Samsung وڭتۇستىككورەيالىق ەلەكترونيكا ءوندىرۋشىسى ەكى كومپانياعا ءبولىنۋدى قاراستىرۋدا, دەپ حابارلايدى Reuters جەرگىلىكتى Seoul Economic Daily باسىلىمىنا سىلتەمە جاساپ.
Samsung Electronics Co باسشىلىعى مەن Elliott Management ينۆەستيتسيالىق قورى كومپانيانى - حولدينگتىك جانە وپەراتسيالىق ەتىپ ەكىگە ءبولۋ جونىندە كەلىسسوزدەر جۇرگىزۋدە. ۇسىنىس قازان ايىندا جاسالعان ەدى.
Elliott Management Samsung كومپانياسىنا ەكى زاڭدى تۇلعاعا ءبولىنۋدى, 30 تريلليون وڭتۇستىككورەيالىق ۆون ارنايى ديۆيدەنت تولەپ, ديرەكتورلار كەڭەسىنە ءۇش تاۋەلسىز مۇشە قوسۋدى جانە اقش-تىڭ Nasdaq بيرجاسىندا ليستينگ راسىمىنەن ءوتۋ تۋرالى ۇسىنىس جاسادى.
Samsung Galaxy Note 7 اينالاسىنداعى داۋ-دامايدان سوڭ, وڭتۇستىككورەيالىق كومپانيانىڭ قازىرگى حال-احۋالىنا اكتسيونەرلەردىڭ كوڭىلى تولماي وتىر. قۋاتتاعىشتان شىققان اقاۋ كومپانياعا $2,7 ملرد.شىعىن اكەلدى.
Samsung-ءتىڭ ءىىى توقسانداعى وپەراتسيالىق تابىسى 30% دەيىنع ياني 5,2 ترلن ۆونعا ازايعان. دۇيسەنبى كۇنى كومپانيا اكتسيالارى 1,6% قىمباتتادى, ونىڭ كاپيتالداندىرىلۋى 258,6 ترلن ۆوندى قۇرايدى.
دەرەككوزدەردىڭ حابارلاۋىنشا, Samsung ديرەكتورلار كەڭەسى 29 قاراشا كۇنى كەزدەسۋ وتكىزىپ, ۇسىنىسقا جاۋاپ بەرەدى.