تۇعىرلى ەلدىڭ جەتىستىكتەر كورمەسى

قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسىندا تۇڭعىش پرەزيدەنت كۇنىنە جانە ەل تاۋەلسىزدىگىنىڭ 25 جىلدىعىنا ارنالعان كورمەلەردىڭ اشىلۋ ءراسىمى ءوتتى.  وعان مەملەكەتتىك حاتشى  گۇلشارا ابدىقالىقوۆا,  قازاقستان رەسپۋبليكاسى پرەزيدەنتى كەڭسەسىنىڭ باستىعى, قازاقستان رەسپۋبليكاسىنىڭ تۇڭعىش پرەزيدەنتى – ەلباسىنىڭ كىتاپحاناسى ديرەكتورىنىڭ مىندەتىن اتقارۋشى ماحمۇت قاسىمبەكوۆ,  پارلامەنت دەپۋتاتتارى, ساياسي جانە قوعام قايراتكەرلەرى, مەملەكەتتىك ورگانداردىڭ  وكىلدەرى قاتىستى. جيىندا ءسوز العان مەملە­كەتتىك حاتشى گ.ابدىقالىقوۆا: «ءتا­ۋەل­سىزدىك جولىنىڭ شيرەك عاسىرلىق بەلەسىندە ەلى­مىز الەمدىك قوعامداستىقتا ەكو­نو­مي­كاسى دامىعان, قازىرگى زامان­عى وركەنيەتتى مەملەكەت رەتىن­دە قالىپتاستى. ەلباسى نۇرسۇلتان نازارباەۆ بەلگىلەگەن «قا­زاقستان جولىن» بىرلىك پەن تۇراقتىلىقتىڭ ايشىقتى ۇلگىسى رەتىندە تورتكۇل دۇنيە مويىندادى. كوپەتنوستى حالقىمىزدىڭ بىرلىگى مەن ىنتىماعى ارقاسىندا ەلدىڭ تاۋەلسىزدىك تۇعىرى بەكىدى. بۇگىن­دە تەرەزەسى تەڭ, كەرەگەسى كەڭ تاۋەل­سىز قازاقستاننىڭ تولايىم تا­بىس­تارى مەن جەتىستىكتەرى ءبىر-ءبىرى­مەن تامىرلاسىپ جاتىر»,– دەدى. گۇلشارا ناۋشاقىزى, سونىمەن قاتار, مەملەكەتتىك مەرەكە – تۇڭعىش پرەزيدەنت كۇنى بيىلعى مەرەيلى جىلى ايرىقشا مانگە يە بولىپ وتىرعانىن, ال اتالعان كورمە قازاقستان قوعامى مەن حالىقارالىق قوعامداستىق ءۇشىن ەلەۋلى تاريحي-مادەني ءىس-شارا ەكەنىن ايتتى. بۇل كۇنى شارا قوناقتارىنىڭ نازارىنا 8 كورمە ۇسىنىلدى.  ماسەلەن, «ەلباسى جولى» دەپ اتالعان كورمەگە 50-دەن استام مۇراعات قۇجاتى قويىلعان. ولار پرە­زيدەنتتىڭ باتىل باستامالارىنان جانە تاۋەلسىز ەلدىڭ دا­مۋ تاريحىنان سىر شەرتەدى. «تاۋەلسىز قازاقستان – تۇعىرلى ەل» كورمەسى ەلدىڭ شيرەك عاسىر ءىشىن­دە الەۋمەتتىك-ەكونوميكالىق تۇرعىدا قارىشتاپ دامۋىنىڭ, الەم تانىعان مەملەكەت رەتىندە قالىپتاسۋىنىڭ, ەڭسەلى ەلوردانى گۇلدەندىرۋدىڭ كەزەڭدەرىمەن تانىستىرادى. مۇنداعى ەكسپو­زيتسياعا 50-گە جۋىق فوتوقۇجات قويىلىپتى. سونداي-اق, شارا­عا قاتى­سۋشىلار ەلباسى كىتاپحانا­سىنداعى اسا قۇندى 550 جيناق­پەن 3 كىتاپ كورمەسى ارقىلى تانىستى.  ول كىتاپ كورمە­لەرى «ن. ءا. نازارباەۆ – تاۋەل­سىز قا­زاق­ستاننىڭ نەگىزىن قا­لاۋشى», «ەلباسىنا ەستەلىككە قول­تاڭبا», «ەگەمەن ەلدىڭ تاۋەل­سىز­دىك شەجى­رەسى» دەپ اتالعان ەكەن. ال «الەم قادىرلەگەن ەلبا­سى» كورمەسىنەن  قازاقستان پرە­زيدەنتىنە شەت مەملەكەتتەردىڭ بەرگەن جو­عارى ناگرادالارىن كورە الاسىز. ماسەلەن, كوللەكتسيادا ۇلى­بريتانيا, جاپونيا, رەسەي, ۆاتي­كان, فرانتسيا, اۋعانستان, قىتاي سە­كىلدى ەلدەردىڭ تاراپىنان ۇسى­نىلعان 41 ناگرادا بار. « ۇلى دالا ەلى» دەپ اتالعان كورمە دە جۇرتشىلىقتىڭ قىزى­عۋ­­شى­لىعىن تۋعىزدى. وندا قا­زاق­ستان سۋرەتشىلەر وداعىنىڭ مۇشەسى نۇرجان قارىمساقوۆتىڭ ەلدىڭ 25 جىلداعى تابىستارى مەن جە­تىستىكتەرىن قىلقالاممەن ءسوي­لەتكەن 36 تۋىندىسى قويىلعان. بۇل كۇنى, سونداي-اق, «كوش­باس­­شىلىق فاكتورى», «پارلامەن­تاريزم ەۆوليۋتسياسى», «ءبىتىم­گەر­شىلىك ارە­كەت­تەردىڭ جول كارتاسى» سە­كىلدى فيلم­دەردىڭ كورسەتىلىمى ءوتتى. ءلايلا ەدىلقىزى, «ەگەمەن قازاقستان» سۋرەتتى تۇسىرگەن ەرلان وماروۆ, «ەگەمەن قازاقستان»