نيدەرلاندىدا ەكولوگيالىق تازا ءۇي سالۋ ءۇشىن كارتون قولدانىلا باستادى, دەپ حابارلايدى CNN.
العاش 4 جىل بۇرىن امستەردامنىڭ سحيپحول اۋەجايىنا وسىنداي جولمەن سالىنعان كورمە زالى قازىر مەيرامحانا قىزمەتىن اتقارىپ وتىر. سودان بەرى 10 ءۇي جاسالعان. ونىڭ كوبى نيدەرلاندىدا, بىرەۋى لوندوندا, بىرەۋى گەرمانياا.
بۇل جوبا 2012 جىلى ۇسىنىلىپتى. Wikkelhouse ۇيلەرىنىڭ ءار سەگمەنتىندە 24 قابات كارتون بار. ول ەكولوگيالىق تازا جەلىممەن جابىستىرىلعان. ءۇيدىڭ باعاسى 26 مىڭ دوللاردان باستالادى ەكەن.
جوبا اۆتورلارىنىڭ ايتۋىنشا, بۇل ۇيلەر قاراپايىم عيماراتتارعا قاراعاندا ءۇش ەسە ەكولوگيالىق تازا. سونىمەن قاتار سۋعا ءتوزىمدى جابىندىمەن قاپتالعان. بۇل ۇيلەردى جاساۋشى كومپانيا ونى 15 جىلعا شىدايدى دەسە, جوبا اۆتورلارى جاقسى كۇتىم بولسا, 50 جىلعا دەيىن تۇرۋعا بولادى دەپ وتىر.
"بولاشاقتا بارلىق ءۇي كارتوننان جاسالادى دەي المايمىن. بىراق بۇل ادامدارعا قاتىپ قالعان قاعيدامەن عانا ءومىر سۇرۋدەن باسقا جولداردىڭ دا بار ەكەنىن كورسەتە الادى", دەيدى جوبا اۆتورلارى.