ۇستىمىزدەگى جىلدىڭ ناۋرىز ايىنان باستاپ حالىققا قىزمەت كورسەتۋ ورتالىقتارى بايلانىس جانە اقپارات مينيسترلىگى قۇزىرىنا بەرىلدى, سوعان وراي مەكەمە جۇمىسىنا جاڭاشىلدىق ەنگىزىلىپ, حالىق يگىلىگىنە جارامدى كوپتەگەن باستامالار ىسكە اسىرىلا باستادى. ونىڭ ناقتى كورىنىسىنە الماتى قالاسى بوستاندىق اۋدانىنىڭ حالىققا قىزمەت كورسەتۋ ورتالىعى مىسالىندا كوز جەتكىزۋگە بولادى.
اتاپ ايتار بولساق, «ەلەكتروندى ۇكىمەت» باعدارلاماسىن جۇزەگە اسىرۋ جانە ەلەكتروندى مەملەكەتتىك قىزمەتتەردى قولدانۋشىلار سانىن ارتتىرۋ ماقساتىندا ورتالىقتا «ەلەكتروندى ۇكىمەت بۇرىشى» اشىلدى. ورتالىق قىزمەتكەرلەرى قازىردىڭ وزىندە ءاربىر كەلۋشىلەرگە ەلەكتروندى ساندىق كىلتتەردى بەرۋ, ونى پايدالانۋ, «ەلەكتروندى ۇكىمەتتىڭ» مۇمكىندىكتەرىن جان-جاقتى ءتۇسىندىرۋ جۇمىستارىن كەڭىنەن جۇرگىزۋدە.
شىلدە ايىنان باستاپ قايتا جاڭعىرتۋ جۇمىستارى باستالعان ورتالىق بۇگىنگى تاڭدا كەلۋشىلەردىڭ كوزىن قۋانتۋدا. مودەرنيزاتسيالاۋ جوسپارىنا سايكەس, حالىققا قىزمەت ۇسىنۋ ىسىندەگى ۇزدىك ۇلگى بولىپ ەسەپتەلەتىن كەدەرگىسىز, توسقاۋىلسىز قىزمەت كورسەتۋ قاعيداتى ەنگىزىلدى. جاڭا جيھاز بەن قۇرال-جابدىقتار ورنالاسقان ورتالىققا كەلگەن ءاربىر ازامات وزىق قىزمەت كورسەتۋ ۇلگىسىن كورە الادى. ورتالىقتىڭ بارلىق قىزمەتكەرى جاڭا باستاماعا ساي جۇمىس ىستەپ, حقكو قىزمەتكەرلەرىنىڭ ءمادەنيەتى مەن ەتيكاسى ەرەجەسىنە سايكەس سىپايىلىق, ادەپتىلىك, جان-جاقتى كومەككە ازىرلىك ۇستانىمى بويىنشا جۇمىس جاسايدى.
بوستاندىق اۋدانىنىڭ حالىققا قىزمەت كورسەتۋ ورتالىعىندا حالىققا ساپالى ءارى ۋاقىتىلى قىزمەت كورسەتۋ جولىنداعى باستامالاردىڭ ءبىرى – قازاقستان حالقىنا مەملەكەتتىك ورگانداردىڭ قولجەتىمدىلىگىن قامتاماسىز ەتۋ ماقساتىنداعى مەملەكەتتىك ورگاندارعا ازاماتتاردىڭ ءوتىنىشتەرىن قابىلداۋ جانە جولداۋ ءتارتىبى ۇيىمداستىرىلۋى. ياعني, ءاربىر ازامات ورتالىق مەملەكەتتىك ورگانعا ءوز ءوتىنىشىن جولداعىسى كەلسە, ەلەكتروندى ساندىق قولتاڭباسى بار كىلتتى الىپ, ءوتىنىشتەردى قابىلدايتىن قىزمەتكەرلەرگە جولداۋىنا بولادى.
قالا حالقىنىڭ ىڭعايىنا وراي, بيزنەس قۇرىلىمدارىنىڭ دامۋىنا ۇلەس قوسۋ ماقساتىندا بوستاندىق اۋدانىنىڭ حالىققا قىزمەت كورسەتۋ ورتالىعى مەن «كازكوممەرتسبانك» اق اراسىندا كەلىسىم بەكىتىلىپ, تولە بي مەن بايزاقوۆ كوشەلەرى, ءال-فارابي مەن جەلتوقسان كوشەلەرى قيىلىسىندا ورنالاسقان بانكتىڭ بولىمشەلەرىندە «يكەمدى» ورتالىقتار اشىلدى. قازىرگى ۋاقىتتا اتالعان بولىمشەلەردە وتىرعان ورتالىق قىزمەتكەرلەرى دە مەملەكەتتىك قىزمەتتەر كورسەتۋدە. «بتا بانك» پەن «تسەسنابانك» اق-تار اراسىنداعى كەلىسىم نەگىزىندە گاگارين كوشەسى مەن سەيفۋللين كوشەسى بويلارىندا ورنالاسقان ەكىنشى دەڭگەيلى بانكتەر بولىمشەلەرىندە تاعى حالىق يگىلىگىنە جارامدى «يكەمدى» ورتالىقتار اشىلۋ جوسپارلانۋدا.
بۇل جاھاندانۋ ۇدەرىسى مەن تەحنيكا جانە تەحنولوگيالار قارقىندى دامۋ ۋاقىتىندا قازاق ەلىنىڭ كوشتەن قالماي, دامىعان ەلدەرمەن تەرەزەسى تەڭ بولۋ ءۇشىن جاسالىنىپ جاتقان شارالار. ونىڭ ۇستىنە بۇل ارتىق قاعازباستىلىق پەن اۋرە-سارساڭ, بيۋروكراتيالىق كەدەرگىلەر مەن سىبايلاس جەمقورلىققا قارسى باعىتتالعان ەڭ ءتيىمدى جۇمىس.
ورتالىق ارقىلى قازىرگى ۋاقىتتا 20-دان استام مەملەكەتتىك قىزمەت تۇرلەرى كورسەتىلەدى. ۇجىم ءاردايىم حالىق ءۇشىن قىزمەت كورسەتۋگە ءازىر.
ابەن زۇلپىقار.