ىلكىمدىلىك تانىتسا ۇلكەن كۇش

ۇكىمەتتىك ەمەس ۇيىمدار قوعام­دا­عى الەۋمەتتىك-ەكونوميكالىق دامۋعا سەر­پىن بەرەتىن ۇلكەن ۇيلەستىرۋشى كۇش رەتىندە تانىلىپ وتىر. ولاردىڭ ازا­مات­تىق قوعام قۇرۋداعى الاتىن ورنى مەن ءرولى قانداي؟ ەلىمىزدەگى بىرلىك پەن تاتۋلىقتى, تۇراقتىلىق پەن بەيبىتشىلىكتى قالىپتاستىرۋدا ۇكى­مەت­تىك ەمەس ۇيىمدار قانشالىقتى ءتيىمدى پايدا­لا­نىلىپ ءجۇر؟ ۇەۇ-لار­دىڭ مەملەكەتتىك تاپسىرىسپەن جۇمىس ىستەۋى قاي دەڭ­گەيدە؟ ولاردى قار­جى­لان­دىرۋ جايى كو­ڭىل كونشىتە مە؟ ۇكى­مەتتىك ەمەس ۇي­ىمدار تولىق قاي­تا­رىممەن جۇمىس ىستەۋى ءۇشىن نە قاجەت؟ مەملەكەتتىك ور­گان­داردىڭ, ۇكىمەتتىك ۇيىمداردىڭ ءجا­نە بيزنەستىڭ ءوزارا بايلانىسى ۋاقىت تا­لابىنا ساي ما؟ مىنە, وبلىستىڭ ۇكى­مەتتىك ەمەس ۇي­ىم­دارىنىڭ «تاۋەل­سىز­دىك پەن ءارىپ­تەستىككە-20 جىل» اتتى V كونفە­رەن­تسيا­سىندا ۇەۇ-عا قاتىستى وسى جانە باسقا ماسەلەلەر كۇن ءتار­تى­بىنە شى­عا­رىلىپ, كەڭىنەن تالقىلاندى. كونفەرەنتسيادا وبلىس اكىمى ارحيمەد مۇحامبەتوۆ ءسوز الىپ, ەلىمىز تاۋەلسىزدىگىنىڭ 20 جىلدىعى قارسا­ڭىن­دا اتقارىلىپ جاتقان اۋقىمدى قوعامدىق ساياسي, الەۋمەتتىك-مادەني شارالارعا توقتالدى. – تاۋەلسىزدىك-مەملەكەتىمىزدىڭ اتري­­بۋ­تى, ۇلتىمىزدىڭ ارمانى مەن ماق­ساتى. ەلىمىزدىڭ ەگەمەندىگىن باياندى ەتۋ ءبىزدىڭ زامانداستارىمىزعا جۇك­تەل­گەن قاسيەتتى مىندەت. وسى ورايدا ءبىز ازاماتتىق قوعام ينستيتۋتتارىن دامىتۋعا جاڭاشا سيپات بەرۋىمىز كەرەك. بيزنەستىڭ, ۇكىمەتتىك ەمەس ۇيىم­دار مەن بيلىك وكىلدەرىنىڭ ءوڭىردىڭ ءال­ەۋمەتىك-ەكونوميكالىق دامۋىنا بىردەي اتسالىسۋىنا جەتۋىمىز قاجەت. ەل­باسى نۇرسۇلتان نازارباەۆ «بو­لا­شاق­تىڭ ىرگەسىن بىرگە قالايمىز» اتتى بيىلعى قازاقستان حالقىنا جول­داۋ­ىندا ناق وسىنداي تاپسىرما بەردى. ال ول مۇلتىكسىز ورىندالۋى ءتيىس, – دەي كەلىپ اكىم وبلىستىڭ ۇستىمىزدەگى جىلدىڭ جەتى ايىنداعى ەكونومي­كا­لىق كورسەتكىشتەرىنە شولۋ جاسادى. ول سونداي-اق, ۇكىمەتتىك ەمەس ۇي­ىمدار باسشىلارىنىڭ ءار ءتۇرلى كو­ميسيالاردىڭ مۇشەلەرى ەكەنىن ەسكە سالا كەلىپ, ولاردى ۇلتتىق ساياساتتى جۇزەگە اسىرۋدا, الەۋمەتتىك ماسە­لە­لەر­دى شەشۋدە جانە قىلمىسپەن كۇ­رەس­تە بەلسەندى جۇمىس ىستەۋگە شا­قىر­دى. اسىرەسە, جاستاردى ءوتانسۇي­گىش­تىك­كە, پاتريوتيزمگە تاربيەلەۋدە, ءوڭ­ىر­دەگى جاعدايدى تۇراقسىزداندىرۋعا قارسى كۇرەستە بىرلەسە ءىس-ارەكەت ەتۋ­دىڭ قايتارىمدىلىعىن قاداپ ايتتى. وبلىستىق ىشكى ساياسات باسقار­ما­سى­نىڭ باستىعى احات مىرزالين نەگىزىنەن ۇكىمەتتىك ەمەس ۇيىمداردىڭ جۇ­مىسىنا, ولاردىڭ مەملەكەتتىك ورگاندارمەن ءوزارا بايلانىسى پروبلە­ما­لا­رى مەن پەرسپەكتيۆالارىنا توقتالدى. قازىر وبلىستا بەلسەندى جۇمىس ىستەيتىن 100-گە جۋىق ۇكىمەتتىك ەمەس ۇيىم بار ەكەن. ولاردىڭ ىشىندە بالالاردى, جاستاردى جانە ايەلدەردى قولداۋ, ادام قۇقىقتارىن قورعاۋ, ءبىلىم بەرۋ, دەنساۋلىق ساقتاۋ, رۋحاني-مادەني مۇ­رانى قوعاۋ, سالاماتتى ءومىر سالتىن ناسيحاتتاۋدى جەتىلدىرۋ باعىتىندا جۇمىس ىستەيتىن ۇكىمەتتىك ەمەس ۇيىم­داردىڭ وزىندىك قولتاڭباسى قالىپ­تا­سىپ, جاقسى دامىعان. جارىسسوزگە شىققاندار ۇكىمەتتىك ەمەس ۇيىمداردىڭ تاۋەلسىز مەملەكە­تى­مىزدىڭ تۇعىرىن بەكىتۋدەگى ءرولى, ولار­دى قارجىلاندىرۋعا بايلانىستى وي­لا­رىن دا ورتاعا سالدى. مادەنيەت مي­نيسترلىگىنىڭ قوعامدىق-ساياسي جۇمىس­تار دەپارتامەنتىنىڭ ديرەكتورى بانۋ نۇرعازيەۆا قاتىسىپ, ءسوز سويلەدى. ول ۇكىمەتتىك ەمەس ۇيىمدار الدىنا قو­يى­­لاتىن مىندەتتەر مەن وزەكتى ءما­سە­لە­لەردى تاراتىپ ايتتى.وڭىردەگى قوعام­دىق كەلىسىمدى نىعايتۋعا, وزەكتى الەۋ­مەتتىك ماسەلەلەردى شەشۋگە جانە ءوس­كەلەڭ ۇرپاققا وتانسۇيگىشتىكتىڭ ۇلگىسى بولاتىن ەرلىك پەن مەيىرىمدىلىك بىلدىرگەن بىرقاتار ۇكىمەتتىك ەمەس ۇي­ىم­دار باسشىلارى مەن ازاماتتار وبلىس اكىمىنىڭ سىياقىسىمەن جانە قازاق­ستان­نىڭ ازاماتتىق اليانسى بەكىتكەن «بىرلىگىمىز جاراسقان» مەدالىمەن ما­راپاتتالدى. كونفەرەنتسيادا استانا قالاسىندا وتەتىن V ازاماتتىق فو­رۋمعا دەلەگاتتار سايلاندى. ساتىبالدى ءساۋىرباي. اقتوبە وبلىسى.