بۇلبۇل ءانشى بەينەسى

كۇلاش بايسەيىتوۆاعا ەسكەرتكىش قويىلدى قازاق وپەراسىنىڭ بۇلب ۇلى, كلاسسيكالىق ءان ونەرىنىڭ جارىق جۇلدىزى كۇلاش بايسەيىتوۆاعا الماتى قالاسىنداعى ءوز اتىنداعى مۋزىكا مەكتەپ-ينتەرناتىنىڭ الدىنا ەسكەرتكىش قويىلدى. ەل تاۋەلسىزدىگىنىڭ جيىرما جىلدىعىنا, ك.بايسەيىتوۆانىڭ 100 جىلدىعىنا ورايلاستىرىلعان شاراعا ونەر قايراتكەرلەرى مەن رەسمي قوناقتار قاتىستى. ءمۇسىنشى تىلەۋبەردى بيناشەۆ سوم­داعان كۇلاش ەسكەرتكىشى ءومىرىن ونەرگە ارناعان قازاق ايەلىنىڭ كەيپىن ادەمى جەت­كىزىپ تۇر. تاعدىرى كۇردەلى ءانشىنىڭ كورگەن ماراپاتى مەن تارتقان اۋىرت­پا­لى­عىنىڭ ءىزى دە جوق. تەك قازاقتىڭ ماق­تا­نىشى, دالا اۋەزىن الەمدىك كلاس­سي­كاعا قوسا بىلگەن قايراتكەر عانا جاس تالانت يەلەرىن رۋحتاندىرىپ تۇرعانداي. ەسكەرتكىشتى ك.بايسەيىتوۆا اتىن­دا­عى مەكتەپ-ينتەرناتتىڭ ديرەكتورى و.ابدۋللاەۆ پەن قالا اكىمى ا.ەسىموۆ سالتاناتتى تۇردە اشىپ, گۇل شوقتارىن قويدى. جيىلعان كوپشىلىك الدىندا كسرو حالىق ءارتىسى, كسرو مەملەكەتتىك سىيلىعىنىڭ لاۋرەاتى, ەڭبەك ەرى ب.تولەگەنوۆا, مادەنيەت ۆيتسە-ءمينيسترى ا.بورىباەۆ, بۇلبۇل ءانشىنىڭ تۋىستارى ق.قانا­بەك­قىزى, قازاقستاننىڭ حالىق ءارتىسى ب.جامانباەۆ, سون­داي-اق ءانشىنىڭ زامانداستارى ءسوز ءسوي­لەپ, ەستەلىكتەر ايتتى. اتالمىش مەك­تەپتىڭ سيمفو­نيالىق وركەسترىنىڭ سۇيەمەلدەۋىمەن وپەرا ءانشىسى ب.ەڭكەباەۆا كەشەگى كۇلاش اپاسى سالعان اندەردى قۇيقىلجىتا ورىندادى. كەش سوڭىندا مەكتەپ-ينتەرناتتىڭ ديرەكتورى و.ابدۋللاەۆ ەسكەرتكىشتىڭ تۇرعىزىلۋىنا قولداۋ كورسەتكەن «№1 قۇرىلىس كومپانياسىنىڭ» باس دي­رەكتورى س.ۇستابەكوۆكە, «قۇبىلا» قۇ­رىلىس كومپانياسىنىڭ پرەزيدەنتى ءو.قادىروۆقا جانە ەسكەرتكىش اۆتورى, ءمۇسىنشى ت.بيناشەۆكە العىس ايتتى. قانات ەسكەندىر. الماتى. ------------------------------------------ سۋرەتتەردى تۇسىرگەن بەرسىنبەك سارسەنوۆ.