جۋىردا «ەحرو-2017»-ءنى قولدا! ەلىڭە قولداۋ كورسەت! بولاشاقتىڭ ەنەرگياسى» تاقىرىبىنداعى ۇزدىك ۇران مەن ەسسەگە رەسپۋبليكالىق بايقاۋ جاريالاندى. بايقاۋ «ەحرو-2017» حالىقارالىق مامانداندىرىلعان كورمەسىن استانا قالاسىندا وتكىزۋگە ءوتىنىش بەرۋ شەڭبەرىندە ۇيىمداستىرىلىپ وتىر.
«بولاشاقتىڭ ەنەرگياسى» بايقاۋىنىڭ ماقساتى ەنەرگيانىڭ بالامالى كوزدەرىن دامىتۋعا جاستاردىڭ نازارىن اۋدارۋ, سونداي-اق «ەحرو-2017» كورمەسىن ەلىمىزدە وتكىزۋ يدەياسىن كوپشىلىككە كەڭىنەن تاراتۋ بولىپ تابىلادى. وعان قازاقستاندىق جوعارى سىنىپ وقۋشىلارى مەن ستۋدەنتتەرى قاتىسا الادى. بايقاۋ 12 قىركۇيەكتەن 30 قازانعا دەيىن سوزىلادى.
كورمەنى ەلىمىزدە وتكىزۋ تۋرالى ۇسىنىستى ەلباسى بىلدىرگەن بولاتىن. مۇنداي اۋقىمدى جوباعا قاتىسۋ قازاقستان ءۇشىن ماڭىزدى قادام, ويتكەنى ول ەلدىڭ الەۋەتى مەن مۇمكىندىكتەرىن كورسەتەدى. كورمە ەنەرگيانىڭ بالامالى كوزدەرىن دامىتۋعا قۋاتتى سەرپىن بەرە الادى, سونداي-اق قازاقستانعا جاڭا ينۆەستيتسيالار مەن تەحنولوگيالاردىڭ كەلۋىنە جاعداي تۋعىزادى. استانا وسى سالاداعى ءۇزدىك الەمدىك تەندەنتسيالار مەن جۇمىستاردى كورسەتۋگە جانە تالقىلاۋعا جاقسى تۇعىرناما بولارى انىق.
«ەحرو -2017» كورمەسىنىڭ ەلىمىز ۇسىنعان تاقىرىبى – «بولاشاقتىڭ ەنەرگياسى». ول زاماناۋي, جاھاندىق ماڭىزى بار ماسەلەلەردىڭ ءبىرىن قوزعايدى, اتاپ ايتساق, قالپىنا كەلتىرىلەتىن ەنەرگيا كوزدەرىنە كوشۋ جانە تۇراقتى قولدانۋ اڭگىمە وزەگىنە اينالۋى ءتيىس.
ەلىمىز مۇناي, گاز, ۋران سەكىلدى ەنەرگەتيكالىق قورلارعا باي, الايدا تابيعي بايلىقتىڭ بارلىعىنا قاراماستان قازاقستان ەنەرگيانىڭ بالامالى كوزدەرىن دە بەلسەندى تۇردە دامىتۋدا. ءويتكەنى قازبا بايلىقتار بولاشاق ۇرپاققا دا قىزمەت ەتۋى كەرەك. سوندىقتان قازاقستان باسقا ەلدەر سەكىلدى ەنەرگيانىڭ ەكولوگيالىق تازا, بالامالى كوزدەرىنە ۇلكەن سەنىم مەن ءۇمىت ارتىپ وتىر.
جالپى, ەحرو كورمەلەرى مامانداندىرىلعان جانە امبەباپ بولىپ ەكىگە بولىنەدى. سوڭعىسى بەس جىلدا ءبىر رەت, وتكىزىلەر اۋدانى شەكتەلمەي, بارلىق قاتىسۋشىلارعا ورتاق تاقىرىپتا وتەدى. ال مامانداندىرىلعان كورمە ەكى امبەباپ كورمەنىڭ ارالىعىندا, ءۇش ايدان ارتىق ەمەس ۋاقىتتا, 25 گەكتاردان اسپايتىن اۋماقتا جانە ورتاق تاقىرىپتا وتكىزىلەدى. ەڭ العاشقى ەحرو حالىقارالىق مامانداندىرىلعان كورمەسى 1851 جىلى لوندون قالاسىندا ءوتتى. سودان بەرى الەمدە 60-تان اسا ەحرو كورمەلەرى وتكىزىلىپتى. ەلىمىز حالىقارالىق كورمەلەر بيۋروسىنا مۇشەلىككە 1997 جىلى كىرىپ, ايچي-2005, ساراگوسا-2008, شانحاي-2010 ەحرو كورمەلەرىنە قاتىسىپ ۇلگەردى. قازىرگى كەزدە يوسۋ-2012 جانە ميلان-2015 ەحرو كورمەلەرىنە قاتىسۋعا دايىندىق جۇمىستارى جۇرگىزىلىپ جاتىر. ساراگوسادا وتكەن ەحرو-2008 قورىتىندىسى بويىنشا, تاۋەلسىز ساراپتاما كوميسسياسىنىڭ شەشىمى نەگىزىندە, 104 مۇشە-مەملەكەت اراسىندا قازاقستان رەسپۋبليكاسىنىڭ پاۆيلونى سىرتقى جانە ىشكى بەزەندىرۋ, ىشكى ديزاين, «سۋ جانە تۇراقتى دامۋ» تاقىرىبىنا بايلانىستى ەكسپوزيتسيا ساپالارى بەلگىلەرى بويىنشا 3-ورىنعا يە بولدى. ال كورمەنى وتكىزۋ تۋرالى ءوتىنىم قورىتىندىسى 2012 جىلدىڭ اياعىندا 157 مۇشە-مەملەكەتتىڭ داۋىس بەرۋى ارقىلى بەلگىلى بولادى.
ۆەنەرا تۇگەلباي.