تاشكەنتتە "قازاقستان تەمىر جولى" اق" ۇك مەن «ۋزبەكيستون تەمير يۋللاري» اق دەلەگاتسيالارىنىڭ كەزدەسۋى اياقتالدى, دەپ حابارلادى «جولاۋشىلار تاسىمالى» اق ءباسپاسوز قىزمەتى.
شارادا بۇرىن ەكى ەل ۇكىمەتتەرى ۋاعدالاسقان № 1/2 «الماتى-تاشكەنت» حالىقارالىق جۇردەك پويىزىن شىعارۋ تۋرالى كەلىسىمدى جۇزەگە اسىرۋدىڭ تەحنيكالىق تۇستارى تالقىلاندى. كەزدەسۋ قورىتىندىسى بويىنشا تومەندەگى ماسەلەلەر پىسىقتالىپ, شەشىمىن تاپتى:
مۇمكىندىگى شەكتەۋلى جاندار مەن ولاردى الىپ جۇرەتىن ادامدارعا ارنالعان ورىندارعا 70% كولەمىندە ءوزارا جەڭىلدىك بەرۋ تۋرالى;
قول جۇكتەرى مەن جۇك باگاجدارىن تاسىمالداۋ ءتارتىبى تۋرالى;
№ 1/2 «الماتى-تاشكەنت» جۇردەك پويىزىنىڭ قاتىناۋ كەستەسى تۋرالى جانە ت.ب.
ناۋرىز مەرەكەسىنىڭ قارساڭىندا جاڭا تۇرپاتتاعى كەڭ كۋزوۆتى «تۇلپار-تالگو» ۆاگوندارىنان تۇراتىن № 1/2 «الماتى-تاشكەنت» جۇردەك پويىزىنىڭ جولعا شىعاتىنىن ەستەرىڭىزگە سالامىز.
پويىز الماتىدان دۇيسەنبى مەن سەنبى كۇندەرى, ال تاشكەنتتەن سەيسەنبى مەن جەكسەنبى كۇندەرىندە قاتىنايتىن بولادى. جولدا جۇرەتىن ۋاقىتى شامامەن 16 ساع 30 مينۋت. ايالدايتىن بەكەتتەرى: وتار, شۋ, تاراز, شىمكەنت, سارىاعاش جانە تاشكەنت.