قاراعاندى وبلىسىنداعى شاحان كەنتىندە بولعان توتەنشە وقيعادان زارداپ شەككەن تۇرعىندارعا جان-جاقتان قايىرىمدىلىق كومەك كورسەتىلۋدە.
شاحان اكىمدىگىنىڭ عيماراتىندا ورنالاسقان قابىلداۋ بەكەتىنە ەلىمىزدىڭ تۇپكىر-تۇپكىرىنەن قايىرىمدى جاندار جىبەرگەن زاتتاردىڭ اعىنى تولاستار ەمەس. اسىرەسە, ازىق-ت ۇلىك مول. كيىم-كەشەك جاعى دا جەتكىلىكتى. كومەكتى كاسىپكەرلەر, ۇيىم-مەكەمەلەرمەن بىرگە قاراپايىم ادامدار دا كورسەتىپ جاتىر. كەشە اتالعان بەكەتكە ءماجىلىس دەپۋتتارى دا باس سۇعىپ, ازىق-ت ۇلىكتىڭ مول قورىن جەتكىزىپ بەردى.
«دەگەنمەن دە, قازىرگى تاڭدا قارجىلاي كومەكتىڭ ءجونى بولەك بولىپ تۇر. ويتكەنى, باسپاناسىز قالعان جاندار ەڭ الدىمەن ءۇي ماسەلەسىن ۋايىمداپ ءجۇر», دەيدى جەرگىلىكتى الەۋمەتتىك ءبولىمنىڭ مەڭگەرۋشىسى اقمارال نۇرمۇحانوۆا.
قايرات ءابىلدينوۆ, «ەگەمەن قازاقستان»