پاۆلودار وبلىسى قاشىر اۋدانىنىڭ وقۋ وزاتتارى مەن رەسپۋبليكالىق جانە حالىقارالىق وليمپيادا جەڭىمپازدارى ەحرو-2017 كورمەسىن تاماشالايدى. بۇل تۋرالى اۋدان اكىمى جانات شۇعاەۆ دارىندى بالالارمەن كەزدەسۋ بارىسىندا مالىمدەدى, دەپ حابارلادى 24.kz.
كورمە بيلەتىنەن ۇمىتتىلەردىڭ ءبىرى تەرەڭكول اۋىلدىق مەكتەبىنىڭ 4 سىنىپ وقۋشىسى ۆلاد دەۆياتكين «ەسكى زاتتارعا جاڭا ءومىر» اتتى عىلىمي ەڭبەگىمەن وبلىستىق بايقاۋدا توپ جاردى.
سونىمەن قاتار, تەرەڭكول اۋىلىنداعى №3 مەكتەپتىڭ 3 سىنىپ وقۋشىسى ءدىلناز قازباي الەمنىڭ 55 مەملەكەتىنەن 7 مىڭ وقۋشى قاتىسقان مەنتالدى اريفمەتيكا بايقاۋىندا جۇلدەلى 3-ورىنعا يە بولدى. ول كوپتاڭبالى سانداردى كوبەيتىپ-بولگەندە ەسەپتەۋ قۇرىلعىسىنىڭ كومەگىنە جۇگىنبەيدى. دارىندى بالا قازىر باليدە وتەتىن جارىسقا دايىندالىپ جاتىر.
«يۋسيماس بىزگە ماتەماتيكانى ۇزدىك وقۋعا كومەكتەسەدى. ەسەپتى جىلدام شەشە وتىرىپ جوعارى ناتيجە كورسەتەمىز», – دەدى ءدىلناز قازباي.