قازىرگى ۋاقىتتا بىردە-ءبىر مەملەكەتتىك ورگان تۇرعىن ۇيگە قانشا ادامنىڭ تىركەلگەندىگى تۋرالى اقپاراتتى ناقتى بەرە المايدى, دەپ حابارلايدى «قازاقپارات».
بۇل ولقىلىقتىڭ ورىن العانىنا بىرنەشە جىل بولعان. تەك قازىرگى ۋاقىتتا ۋاقىتشا تىركەۋگە تۇرۋ مىندەتتى بولعاننان كەيىن عانا بۇل پروبلەما كوتەرىلىپ وتىر. ماسەلەن, بۇگىندە استانا تۇرعىندارى الەۋمەتتىك جەلىلەر ارقىلى ءبىر-بىرىنەن پاتەرگە قانشا ادام تىركەلگەندىگىن انىقتاۋ ءۇشىن قايدا جۇگىنۋ قاجەتتىگىن سۇراۋدا.
ايتا كەتەيىك, بۇعان دەيىن پاتەرگە تىركەلگەن ادامدار تۋرالى اقپاراتتاردى ساقتاۋ قىزمەتىن اتقارعان ءۇي كىتاپشاسى جويىلعان بولاتىن. «ازاماتتار ءۇشىن ۇكىمەت» ءباسپاسوز قىزمەتىنەن پاتەرگە قانشا ادامنىڭ تىركەلگەندىگى تۋرالى اقپاراتتى ەش جەردەن الۋ مۇمكىن ەمەستىگىن ايتتى. دەگەنمەن, ونىڭ ءبىر جولى بار. ول كوشى-قون پوليتسياسىنا جۇگىنۋ.
ىشكى ىستەر مينيسترلىگىنىڭ مالىمەتىنشە, الداعى ۋاقىتتا قازاقستاندا ءاربىر نىسانعا, پاتەرگە ارنالعان «ەلەكتروندى ءۇي كىتاپشاسى» جاسالاتىن بولادى. بۇل «رەزەڭكە» پاتەرلەردىڭ يەلەرىن انىقتاۋعا, بەلگىلى ءبىر زاڭدى مەكەنجايدا تىركەلگەن ازاماتتاردىڭ سانىن انىقتاۋعا مۇمكىندىك بەرەدى.
«باسپانانىڭ مەنشىك يەسى دە ناقتى زاڭدى مەكەنجاي بويىنشا تىركەلگەن ازاماتتاردى تەكسەرە الاتىن بولادى. سونىمەن قاتار ولاردى تىركەۋدەن شىعارۋ شارالارىن دا قابىلداي الادى. بۇل ءوز كەزەگىندە اكىمشىلىك جاۋاپكەرشىلىككە ىلىگەتىن ادامداردى انىقتاۋعا مۇمكىندىك بەرەدى», - دەدى مينيسترلىكتەن.
ءىىم اقپاراتىنا قاراعاندا, قازىرگى ۋاقىتتا مەملەكەتتىك ورگانداردىڭ «مەكەن جاي تىركەلىمى» (اقپارات جانە كوممۋنيكاتسيالار مينيسترلىگى), «جىلجىمايتىن م ۇلىك تىركەلىمى» (ادىلەت مينيسترلىگى) جانە «قۇجاتتاۋ جانە حالىقتى تىركەۋ» تىركەۋ پۋنكتى» (ىشكى ىستەر مينيسترلىگى) مالىمەتتەر بازاسىن ينتەگراتسيالاۋ پروتسەسى اياقتالىپ قالدى.