اقتوبە قالاسى اكىمىنىڭ ەكى بىردەي ورىنباسارى جاڭادان تاعايىندالدى, دەپ حابارلايدى اقتوبە قالاسى اكىمىنىڭ ءباسپاسوز قىزمەتى.
جاڭا قىزمەتكە تاعايىندالعان ورىنباسارلاردىڭ ءبىرى ءلاززات ورازباەۆا 1971 جىلى تۋعان. ءبىلىمى جوعارى, ق.جۇبانوۆ اتىنداعى اقتوبە ۋنيۆەرسيتەتىن جالپى تەحنيكالىق پاندەر جانە فيزيكا, ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيتەتىن قۇقىقتانۋ ماماندىعى, قۇقىق باكالاۆرى, «تۇران-استانا» ۋنيۆەرسيتەتىن پەداگوگيكا جانە پسيحولوگيا ماگيسترى بىلىكتىلىكتەرى بويىنشا اياقتاعان. وسى لاۋازىمعا تاعايىندالعانعا دەيىن «اقتوبە قالاسىنىڭ ءبىلىم ءبولىمى» مم-ءنىڭ باسشىسى بولىپ جۇمىس اتقاردى.
ل.ورازباەۆا قورعانىس, جالپى اسكەري مىندەتتى ورىنداۋ, اسكەري ەسەپكە الۋ جانە اسكەري قىزمەتكە شاقىرۋ بويىنشا ءىس-شارالاردى, سونداي-اق ازاماتتىق قورعانىستى ۇيىمداستىرۋ, قوعامدىق ءتارتىپ پەن قاۋىپسىزدىك, تۇراقتى تۇراتىن ورىندارى جوق ادامدارعا ارنالعان الەۋمەتتىك اداپتاتسيالىق ورتالىعىنىڭ قىزمەتىن ۇيلەستىرۋ, ءبىلىم بەرۋ, مەكتەپكە دەيىنگى بالالار تاربيەسى جانە وقىتۋ, مىندەتتى تەگىن ورتا ءبىلىم بەرۋمەن قامتاماسىز ەتۋ, الەۋمەتتىك كومەك جانە الەۋمەتتىك قامسىزداندىرۋ, انا مەن بالانى قورعاۋ, قايىرىمدىلىق كومەكتى ۇيلەستىرۋ, تۇرعىنداردى جۇمىسپەن قامتۋ, ت.ب. ماسەلەلەرگە جەتەكشىلىك جاسايدى.
ال جۇمان زينە ارنايى تەكسەرۋدىڭ ناتيجەلەرىن العان كۇنگە دەيىن قالا اكىمىنىڭ ورىنباسارى مىندەتىن اتقارۋشى بولادى. ول 1989 جىلى تۋعان. ءبىلىمى جوعارى. قازاقستان-بريتان تەحنيكالىق ۋنيۆەرسيتەتىن تەحنيكا جانە تەحنولوگيا باكالاۆرى, ەكونوميكا عىلىمدارىنىڭ ماگيسترى بىلىكتىلىكتەرى بويىنشا اياقتاعان.
«ەكونوميكالىق زەرتتەۋ ينستيتۋتى» اق ەكسپەرتى, باسقارما باسشىسى, قازاقستان رەسپۋبليكاسى ۇلتتىق بانكىنىڭ جەتەكشى مامانى, باسقارما باسشىسىنىڭ ورىنباسارى, «اقتوبە وبلىسى بويىنشا مەملەكەتتىك-جەكە ارىپتەستىك اۋماقتىق ورتالىعى» جشس ديرەكتورىنىڭ ورىنباسارى بولىپ قىزمەت اتقاردى.
وسى لاۋازىمعا تاعايىندالعانعا دەيىن اقتوبە قالاسى اكىمى كەڭەسشىسىنىڭ مىندەتىن اتقارۋشى بولعان. ج. زينە الەۋمەتتىك-ەكونوميكالىق جانە بيۋدجەتتىك جوسپارلاۋ جانە ولاردىڭ ورىندالۋى , كوممۋنالدىق مەنشىكتىڭ ەسەبىن جۇرگىزۋ جانە دامىتۋ, كاسىپكەرلىكتى قولداۋ جانە دامىتۋ, ينۆەستيتسيالار تارتۋ جانە ينۆەستيتسيالىق جوبالاردى جۇزەگە اسىرۋ, ت.ب. ماسەلەلەر بويىنشا جەتەكشىلىك ەتەدى.