امەريكانىڭ بەلدى The New York Times باسىلىمى 2017 جىلى تۋريستەرگە بارۋعا ۇسىنىلاتىن 52 مەملەكەتتىڭ ءتىزىمىن ۇسىندى, ونىڭ 26-ىنشى ورنىنا قازاقستان ورنالاستىرىلدى, دەپ حابارلايدى قازاقپارات.
قازاق ەلىنىڭ تىزىمگە ەنۋىنە بيىل استانادا ەكسپو حالىقارالىق كورمەسىنىڭ ءوتۋى ىقپال ەتكەن. قازاقستان تۋرالى بەرگەن مالىمەتتىڭ تاقىرىبىن باسىلىم «مۇنايلى مەملەكەتتەن ەكو-باعىتقا» دەپ اتاعان.
استانادا قوناقۇيلەردىڭ بوي كوتەرۋ قارقىنىن اتاپ وتكەن گازەت, ەلوردا ەنەرگەتيكا سالاسىنداعى كەلەشەك ماسەلەلەردى شەشۋ ماقساتىندا اعىمداعى جىلى «World Expo 2017» -ءنى وتكىزۋگە دايىندىق ۇستىندە ەكەندىگىن جازادى. سونىمەن قاتار, يۋنەسكو-نىڭ دۇنيەجۇزىلىك مۇرالار تىزىمىنە ەنگەن قازاقستاننىڭ تيان-شان تاۋلارى دا ايتىلعان.
باسىلىم تۋريستەرگە بارۋدى ۇسىنعان 52 مەلەكەتتىڭ العاشقى ورنىندا كانادا, چيلي, ءۇندىستان, شۆەيتساريا, بوستۆانا, حورۆاتيا, اقش, گەرمانيا, مەكسيكا ەلدەرى ورنالاسقان. باسىلىم وسى ەلدەردە 2017 جىلى بولاتىن قىزىقتى ءارى ماڭىزدى وقيعالار, سونداي-اق كورۋگە تۇرارلىق تابيعي كورىكتى ورىندار جونىندە مالىمەتتەر بەرگەن.