«لەۆسكي» مەن «سلاۆي» كوماندالارىنىڭ باپكەرى ەميل ۆەلەۆ «مەريديان ماتچ» باسىلىمىنا بەرگەن سۇحباتىندا ءوزىنىڭ كوزقاراسى بويىنشا وتكەن جىلدىڭ ەڭ ۇزدىك باپكەرلەرى جونىندەگى پىكىرىمەن ءبولىستى, دەپ حابارلادى Sports.kz.
«2016 جىلدىڭ ەڭ مىقتى باپكەرلەرى رەتىندە مەن ءسوز جوق ستانيمير ستويلوۆ پەن گەورگي دەرمەندجيەۆتى اتار ەدىم. مەن ولارعا ەڭ جوعارعى 100 ۇپاي بەرەمىن. قالعاندارىنا مينۋس 290 ۇپاي. ءبىزدىڭ باپكەرلەردە ۇزىندىك ءبىر ءۇردىس بار. ولاردىڭ كەيبىرى ناتيجەگە جەتۋ ءۇشىن وتە كۇردەلى جۇمىستاردى اتقارادى. ال كەيبىرەۋلەرى سول قيىندىقتارعا شىداپ قانا جۇرەدى. مەن ديميتار ديميتروۆ, ستويچو ملادەنوۆ, ياسەنە پەتروۆ تۋرالى ەشتەڭە ايتقىم كەلمەيدى. 2016 جىلعى ماۋسىمدا ستانيمير ستويلوۆتىڭ جەتەكشىلىگىندەگى «استانا» كومانداسى ەل چەمپيوناتى مەن قازاقستان كۋبوگىن جەڭىپ الدى جانە ەۋروپا ليگاسىنىڭ توپتىق راۋندىندا ونەر كورسەتتى»,-دەدى ول.