«قازترانسويل» اق-تا كومپانيا مەن جۇمىسشىلار ۇجىمى اراسىندا 2017-2019 جىلدارعا ارنالعان ۇجىمدىق كەلىسىمشارتقا قول قويۋ ءراسىمى ءوتتى.
الەۋمەتتىك قورعاۋ سالاسىنداعى باستى قۇجاتقا «قازترانسويل» اق باس ديرەكتورى (باسقارما توراعاسى) ديماش دوسانوۆ جانە جۇمىسشىلار وكىلدەرى, ياعني كومپانيا فيليالدارى مەن ورتالىق اپپاراتتىڭ باستاۋىش كاسىپوداق ۇيىمدارى جانە جەرگىلىكتى كاسىپوداق ۇيىمدارى كاسىپوداق كوميتەتتەرىنىڭ توراعالارى قول قويدى. ۇجىمدىق كەلىسىمشارت كومپانياداعى الەۋمەتتىك-ەڭبەك قاتىناستارىن رەتتەيدى جانە جۇمىسشىلاردى الەۋمەتتىك قولداۋ, الەۋمەتتىك سەرىكتەستىك اياسىندا مۇددەلەر تەپە-تەڭدىگىن ۇستاۋ, «قازترانسويل» اق قىزمەتى تيىمدىلىگىن ارتتىرۋ, كومپانيانىڭ ءوندىرىستىك-ەكونوميكالىق قورىتىندىلارىنا جاۋاپكەرشىلىكتى ارتتىرۋ ماقساتىندا قابىلداندى.
ۇجىمدىق كەلىسىمشارت «قازترانسويل» اق جۇمىسشىلارىن الەۋمەتتىك قولداۋدى قازاقستان رەسپۋبليكاسى ەڭبەك زاڭناماسىمەن بەلگىلەنگەن دەڭگەيدەن تومەندەتپەۋگە, سول سەكىلدى جۇمىسكەرلەردى ىنتالاندىرۋعا, كاسىبي كادرلاردى تارتۋعا جانە قالدىرۋعا باعىتتالعان قوسىمشا الەۋمەتتىك قولداۋعا كەپىلدىك بەرەدى.
– بۇل قۇجات كومپانيانىڭ جۇمىسشىلارعا جانە ولاردىڭ وتباسىلارىنا الەۋمەتتىك قامقورلىق كورسەتۋگە دايىن ەكەندىگىن راستايدى. «قازترانسويل» اق ۇجىمى سەگىز مىڭنان استام ادامدى قۇرايدى, كومپانيانىڭ ماگيسترالدى مۇناي قۇبىرلارىنىڭ قاۋىپسىز جانە سەنىمدى جۇمىسى سولارعا تاۋەلدى. ۇجىمدىق كەلىسىمشارتتا جۇمىسشىلار پايداسىنا الەۋمەتتىك جەڭىلدىكتەر بەكىتىلگەن. بۇلار مۇناي تاسىمالى ماگيسترالدارىنىڭ ىركىلىسسىز جۇمىس ىستەۋىنە قيسىندى جانە اقتالعان سالىمدار, – دەپ اتاپ ءوتتى «قازترانسويل» اق باس ديرەكتورى (باسقارما توراعاسى) ديماش دوسانوۆ.
قول قويۋ راسىمىندە اتاپ وتىلگەندەي, «قازمۇنايگاز» ۇك» اق كومپانيالار توبىنداعى ەكونوميكالىق جاعدايلارعا بايلانىستى كەيبىر تۇزەتۋلەردى ەسكەرمەگەندە, جۇمىسشىلار ءۇشىن بارلىق الەۋمەتتىك تولەمدەر كولەمى ساقتالعان. قول قويۋ كەزىندە قاتىسۋشىلار ۇجىمدىق كەلىسىمشارتتىڭ الەۋمەتتىك ماڭىزى جانە قۇقىقتىق سيپاتىن راستادى جانە ونى بەلگىلەنگەن مەرزىمدە ورىنداۋعا مىندەتتەندى.
«ەگەمەن-اقپارات»