حوككەيشىلەر مەن كونكي ءتيبۋدى سۇيەتىندەر ءۇشىن استانادا جاڭا كورت قۇيىلدى, ول سارىارقا داڭعىلىندا «استانا» سپورت كەشەنىنىڭ قاسىندا ورنالاسقان. نىساننىڭ سالتاناتتى اشىلۋىنا «سارىارقا» اۋدانىنىڭ اكىمى ارمان تۇرلىبەك, «بارىس» حوككەي كومانداسىنىڭ كاپيتانى «بارىس» برەندون بوچەنسكي, جاس «بارىستار» مەن قالا تۇرعىندارى قاتىستى, دەپ حابارلادى قالا اكىمدىگىنىڭ رەسمي سايتى.
«بۇگىن ءبىزدىڭ اۋداندا مەرەكە - ءبىز اشىق اسپان استىندا العاش رەت كاسىپقوي حوككەي كلۋبىن اشىپ وتىرمىز. مەملەكەت باسشىسى بۇقارالىق سپورتتىڭ دامۋىنا ەرەكشە كوڭىل بولەدى, ءاربىر تۇرعىنعا سپورتتىق ينفراقۇرىلىم قولجەتىمدى بولسىن دەيدى. وسى كورت تەگىن نەگىزدە حوككەي ويناۋعا ارنالعان, قالانىڭ كەز كەلگەن تۇرعىنى كەلىپ, ويناپ, كونكي تەبە الادى»,- دەدى ارمان تۇرلىبەك.
سونىمەن قاتار, بۇگىن اۋداننىڭ اۋماعىندا التى مۇز ايدىنى اشىلدى. ولاردىڭ بارلىعى بۇقارالىق سپورتتىڭ دامۋىنا جانە تۇرعىنداردىڭ دەنساۋلىعىن نىعايتۋعا قىزمەت ەتەدى.