يران ازيا-تىنىق مۇحيت ايماعى ەلدەرىنە ەكسپورتتايتىن مۇناي كولەمىن ەكى ەسەگە كوبەيتتى, دەپ جازادى abctv.kz.
2016 جىلدىڭ قاراشاسىندا ءۇندىستان, قىتاي, وڭتۇستىك كورەيا جانە جاپونياعا جونەلتىلگەن يران مۇنايىنىڭ كولەمى تاۋلىگىنە 1,94 ملن باررەلگە جەتتى. بۇل 2015 جىلدىڭ قاراشاسىنداعى كورسەتكىشتەن 117 %-عا كوپ ەكەنىن يران ۇكىمەتىنىڭ رەسمي ستاتيستيكاسى جانە تانكەرلەردىڭ ترەكينگ مالىمەتتەرى راستاپ وتىر.
يران مۇنايىن ءۇش اي قاتارىنان ءىرى كولەمدە يمپورتتاعان ءۇندىستان (تاۋلىگىنە 620 مىڭ باررەل), ودان كەيىن قىتاي (تاۋلىگىنە 611 مىڭ باررەل), وڭتۇستىك كورەيا (تاۋلىگىنە 472 مىڭ باررەل) جانە جاپونيا (تاۋلىگىنە 237 مىڭ باررەل) بولدى.