31 مامىردا ءبىلىم جانە عىلىم ءمينيسترى حالىققا ەسەپ بەرەدى

كەزدەسۋ بارىسىندا ول ۆەدومستۆونىڭ قىزمەتى مەن الداعى جوسپارلارى جونىندە اڭگىمەلەپ, جۇرتشىلىقتى قىزىقتىرعان ساۋالدارعا جاۋاپ بەرۋدى كوزدەپ وتىر. سونداي-اق بۇل كۇنى ايماق تۇرعىندارى مينيسترگە ونلاين رەجيمدە ساۋال قويۋ ءۇشىن بەينەكونفەرەنتسيا ارقىلى بايلانىسا الادى.  شارا بارىسىندا كەرى بايلانىس ورناتۋ ءۇشىن مينيسترلىك قىزمەتكەرلەرىنەن قۇرىلعان حاتشىلىق جۇمىس ىستەيتىن بولادى. ىنتا بىلدىرگەندەر بعم قۇزىرەتىنە جاتاتىن ءتۇرلى ساۋالدارى بويىنشا كومەكتەر مەن كەڭەستەر الا الادى.  ايتا كەتەيىك, ءمينيستردىڭ ەسەپ بەرۋ كەزدەسۋى قارساڭىندا بارلىق تىلەك بىلدىرۋشىلەر وزدەرىنىڭ ساۋالدارىن بعم سايتىنداعى ءمينيستردىڭ بلوگى, سونداي-اق, فەيسبۋك, ينستاگرام, ۆكونتاكتە الەۋمەتتىك جەلىلەرىندەگى رەسمي پاراقشالار جانە 8(7172) 74-24-11 «جەدەل جەلى» ارقىلى قويا الادى (جۇمىس ۋاقىتى: دس. – جم. 09.00 – 18.30).  ەسەپ بەرۋ كەزدەسۋىنىڭ وتەتىن ورنى: استانا قالاسى, ساتپاەۆ كوشەسى, 2, ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتىنىڭ وقۋ-اكىمشىلىك (باس عيماراتى) كورپۋسى, قر تۇڭعىش پرەزيدەنتى زالى.