اتاپ ايتار بولساق, كوپتەگەن قىلمىس تۇرلەرى ازايدى, ونىڭ ىشىندە اسا اۋىر قىلمىس - 38,9%, ورتا اۋىر - 3,6%, كىشى قىلمىستار - 25,2%-عا كەمىگەن. قوعامدىق ورىندارداعى قىلمىس 19,9% جانە دالادا جاسالعان قۇقىق بۇزۋشىلىقتار - 25,2%-عا تومەندەگەن. بارلىق ساناتتاعى قىلمىستاردى اشۋ بويىنشا دا جاقسى كورسەتكىش بار.
مەملەكەت باسشىسىنىڭ قۇقىق بۇزۋشىلىقتارعا «نولدىك توزىمدىلىك» قالىپتاستىرۋ تاپسىرماسى بويىنشا دا جۇمىستار جالعاسۋدا. وسى جىلى پوليتسەيلەر 44 364 اكىمشىلىك قۇقىق بۇزۋشىلىق انىقتاعان, ونىڭ ىشىندە ۇساق بۇزاقىلىق, تىنىشتىقتى بۇزۋ, الكاگولدى ىشىمدىكتەردى ءىشۋ جانە قوعامدىق ورىنداردا ماس كۇيىندە پايدا بولۋ, بەلگىلەنبەگەن ورىنداردا تەمەكى شەگۋ, اباتتاندىرۋ ەرەجەلەرىن بۇزۋ فاكتىلەرى انىقتالعان.
جول قوزعالىسى قاۋىپسىزدىگىن بۇزۋ بويىنشا 53 مىڭ زاڭبۇزۋشىلىق تىركەلگەن. ماس كۇيىندە كولىك باسقارعان 597 جۇرگىزۋشى ۇستالعان.
ەلوردادا كوشى-قون زاڭناماسىن ساقتاماۋ فاكتىلەرىنىڭ دە جولى كەسىلۋدە. اعىمداعى جىلدىڭ 4 ايىندا 2500-گە جۋىق شەتەلدىك اكىمشىلىك جازاعا تارتىلعان. ولاردىڭ اراسىندا ەلىمىزدەن سوت ءتارتىبىنىڭ شەشىمى بويىنشا ءماجبۇرلى تۇردە شىعارىلعاندار, سونىمەن قاتار ءىىد ءبولۋ-قابىلداۋىنا قامالعاندار بار. قازاقستان رەسپۋبليكاسىنىڭ كوشى-قون زاڭناماسىن وركەسكەل بۇزعان 32 شەتەلدىك ۇستىنەن ءىس قوزعالعان.
قازىرگى تاڭدا استانا قالاسىندا قوعامدىق ءتارتىپ ورناتۋعا قوعامدىق قۇرىلىمداردىڭ 1400 وكىلى اتسالىسۋدا. قالادا قۇقىقتىق ءتارتىپتى قامتاماسىز ەتۋ باعىتىندا پوليتسەيلەر سانى كوبەيتىلىپ, وزگە دە مەملەكەتتىك ورگان وكىلدەرىن جۇمىلدىرۋ ارقىلى رەيدتىك شارالار ۇيىمداستىرىلۋدا.