سپەكتاكل قر مادەنيەت جانە سپورت مينيسترلىگىنىڭ قولداۋىمەن وتپەك. ديريجەرلىك تىزگىندە – ماەسترو الان بورىباەۆ.
«ەكسپو-2017» ءتارىزدى حالىقارالىق دەڭگەيدەگى وسىنداي ماڭىزدى وقيعاعا ارنالعان ءىس-شارالاردىڭ جارقىن باعدارلاماسىن ۇسىنۋ – ءبىز ءۇشىن ۇلكەن مارتەبە. ونى قازاق وپەراسىنىڭ جاۋھارى – اتاقتى وتاندىق كومپوزيتورلار احمەت جۇبانوۆ پەن لاتيف ءحاميديدىڭ «اباي» سپەكتاكلى اشادى. بۇل شىعارمانى ءبىز كەزدەيسوق تاڭداعان جوقپىز – ول ءبىزدىڭ ۇلتتىق ونەرىمىزدىڭ «بىرەگەي تۋىندىسى», دەيدى «استانا وپەرا» تەاترىنىڭ ديرەكتورى عالىم احمەدياروۆ.
وسى جاۋھار وپەرا تۋىندىسى ۇلى جازۋشى مۇحتار اۋەزوۆتىڭ ليبرەتتوسىنىڭ جەلىسى بويىنشا تۋىنداعان. وقيعالار نەگىزىنە – ۇلى قازاق اقىنى, اعارتۋشى جانە فيلوسوف اباي قۇنانباەۆتىڭ ومىرىنەن (1845-1904) درامالىق وقيعالار الىنعان. بۇل – ەكى جاس ايدار مەن اجاردىڭ رومانتيكالىق جانە قايعىلى ماحابباتىنىڭ تاريحى. تۋىندىدا ەسكىشىلدىك پەن جاڭاشىلدىق اراسىنداعى كۇرەس تاقىرىبى قوزعالادى, ادامداردىڭ جاقسى جانە جامان تۇستارى كورنەكى تۇردە بەينەلەنەدى. ۇلى اباي مەن ونىڭ شاكىرتى ايدار «ەسكى ومىرگە», ياعني ىلگەرى ورلەۋگە كەدەرگى بولاتىن قۇبىلىستىڭ بارىنە قارسى شىعادى.
«استانا وپەرا» تەاترىنىڭ باس ديريجەرى الان بورىباەۆتىڭ پىكىرىنشە, «اباي» وپەراسى – سول كەزەڭدەردە جازىلعان ۇلى مۋزىكالىق شىعارمالاردىڭ ءبىرى. قويىلىمنىڭ ەلوردا تۇرعىندارى مەن قوناقتارىنىڭ ەڭ سۇيىكتى سپەكتاكلدەرى قاتارىنا ەنگەنىنە تاڭىرقاۋعا بولمايدى.
جەتەكشى پارتيالاردى «استانا وپەرا» تەاترىنىڭ جارقىراعان جەتەكشى سوليستەرىنىڭ جۇلدىزدى قۇرامى ۇسىنۋعا دايىندالۋدا. باستى پارتيانى قازاقستاننىڭ ەڭبەك سىڭىرگەن قايراتكەرى سۇندەت بايعوجين ورىندايدى, ايدار رولىندە – حالىقارالىق بايقاۋلاردىڭ لاۋرەاتى مەيىر باينەش, اجار – قازاقستاننىڭ ەڭبەك سىڭىرگەن ءارتىسى, وپەرا پريماسى مايرا مۇحامەدقىزى, قارلىعاش – قازاقستاننىڭ ەڭبەك سىڭىرگەن قايراتكەرى دينا حامزينا, سىرتتان – ارمەنيا حالىق ءارتىسى بارسەگ تۋمانيان.
قويىلىمدى قازاقستان مەن يتاليانىڭ كورنەكتى ونەر قايراتكەرلەرى قويعان. مۋزىكالىق جەتەكشى جانە ديريجەر – قازاقستاننىڭ ەڭبەك سىڭىرگەن قايراتكەرى, كومپوزيتور ا.جۇبانوۆتىڭ شوبەرەسى – الان بورىباەۆ. قويۋشى رەجيسسەر – بەلگىلى يتاليالىق رەجيسسەر دجانكارلو دەل موناكو, كەڭەسشى رەجيسسەر – قازاقستاننىڭ حالىق ءارتىسى, پروفەسسور ەسمۇحان وباەۆ, باس حورمەيستەر – قازاقستاننىڭ ەڭبەك سىڭىرگەن قايراتكەرى ەرجان ءداۋىتوۆ.
وپەرانىڭ كوركەمدىك بەزەندىرىلۋىن اتاقتى زاماناۋي ستسەنوگراف ەتسيو فريدجەريو مەن كوستيۋمدەر بويىنشا سۋرەتشى – «وسكار» سىيلىعىنىڭ يەگەرى فرانكا سكۋارچاپينو, كوستيۋمدەر بويىنشا سۋرەتشى اسسيستەنتى اسەل دوسمۇراتوۆا ورىندادى. قويۋشى حورەوگرافتار – قازاقستاننىڭ ەڭبەك سىڭىرگەن قايراتكەرلەرى تۇرسىنبەك نۇرقاليەۆ جانە عاليا بورىباەۆا.