وبلىس اكىمى نۇرلان نوعاەۆ پەن قازاقستاننىڭ ازەربايجان رەسپۋبليكاسىنداعى توتەنشە جانە وكىلەتتى ەلشىسى راشاد ماممادوۆتىڭ كەزدەسۋىندە ەكى تاراپ اراسىنداعى ساۋدا-ەكونوميكالىق بايلانىستى دامىتۋ ماسەلەسى ايتىلدى. اتىراۋدا قازىر ازەربايجان كاپيتالى بار 42 كاسىپورىن جۇمىس ىستەيدى. ولاردىڭ اراسىندا مەتالل وڭدەۋ, دارىگەرلىك قىزمەت كورسەتۋ, دايىن تاماق ونىمدەرىن وندىرۋمەن اينالىساتىن كومپانيالار بار. جىل باسىنان بەرى قوس تاراپ اراسىنداعى تاۋار اينالىمى 1,8 ملرد اقش دوللارىنا جەتتى. ء«بىز ارىپتەستىك قارىم-قاتىناس ورناتۋ ءۇشىن اتىراۋعا ءىرى ترانسۇلتتىق كومپانيالاردىڭ وكىلدەرىن اكەلىپ جاتىرمىز. ايماقتىڭ ەكسپورتتىق الەۋەتىن زەرتتەگىمىز كەلەدى», دەدى ەلشى. وبلىستا جالپى اۋماعى 210 گا يندۋستريالىق ايماق قۇرىلىپ جاتىر. ينۆەستورلارعا جاعداي جاساۋ ءۇشىن ينفراقۇرىلىمدى مەملەكەت جۇرگىزىپ بەرەدى. الەمدىك ستاندارتتارعا ساي ونەركاسىپتىك-وندىرىستىك كەشەن قۇرۋ باعىتىندا جوسپارلانعان شارالار دا بار. ينۆەستورلار مەملەكەت-جەكەمەنشىك ارىپتەستىگى اياسىندا «اتىراۋ» الەۋمەتتىك-كاسىپكەرلىك كورپوراتسياسى ۇلتتىق كومپانياسى» اق-پەن بىرلەسىپ ءارتۇرلى سالادا ينۆەستيتسيالىق جوبالاردى جۇزەگە اسىرا الادى. بۇل رەتتە بىرىگىپ جۇمىس ىستەۋ كەزىندە ۇلتتىق كومپانيانىڭ ۇلەسى 49 پايىزدان اسپاۋى كەرەك.
باقىتگۇل باباش, «ەگەمەن قازاقستان»
اتىراۋ