ساراپشىلىق وتىرىستىڭ باستى ماقساتى قازاقستان دامۋىنىڭ رەسۋرسى جانە ادام كاپيتالىنىڭ ەلەمەنتى رەتىندەگى جاستار ءرولىن تالقىلاۋ, سونىمەن قاتار, پرەزيدەنت ماقالاسىندا كورسەتىلگەن باعدارلامالىق نۇسقاۋلاردى جۇزەگە اسىرۋعا باعىتتالعان شارالار تۋرالى بولدى. بۇل وتىرىسقا باياندامالارىمەن «نۇر وتان» پارتياسى ساياسي تالداۋ جانە ستراتەگيالىق زەرتتەۋلەر ورتالىعىنىڭ ديرەكتورى يۋليا كۋچينسكايا, تاريح جانە ەتنولوگيا ينستيتۋتىنىڭ عىلىمي قىزمەتكەرى بيمۇرات بۇرحانوۆ, سونىمەن قوسا, فيلوسوفيا, ساياساتتانۋ جانە ءدىنتانۋ ينستيتۋتىنىڭ عىلىمي قىزمەتكەرلەرى قاتىستى. «جاس وتان» جق, قازاليانس, «بولاشاك» ستيپەندياتتارىنىڭ قاۋىمداستىعى, قازاقستان جاستار كونگرەسى, «قازاقستان ستۋدەنتتەرىنىڭ اليانسى» رەسپۋبليكالىق جاستار قوزعالىسى, جاستار ساياساتىن دامىتۋ مەملەكەتتىك قورى مەن باسقا دا جاستار ۇيىمدارىنىڭ وكىلدەرى قاتىستى. ەلباسىنىڭ باعدارلامالىق ماقالاسى قازىرگى زامانعى قازاقستاننىڭ ستراتەگيالىق باعىت – مۇددەلەرىن ايقىندايتىن جاڭا يدەولوگيالىق تۇجىرىمداما ەكەنى باستى ماسەلە رەتىندە ايتىلدى. بۇل جاستارعا دەگەن تىڭ باعىت بولىپ سانالادى. ءوز سوزدەرىندە ولاردىڭ ۇلكەن سەرپىلىستەرگە باعىتتايتىن ەرەن كۇش ەكەنىن جاستار سەنىممەن ايعاقتاي ءتۇستى. ساراپشىلىق تالقىلاۋدىڭ قورىتىندىلارى بويىنشا باياندامالار نەگىزىندە قاتىسۋشىلارمەن ساراپشىلىق ۇسىنىستار بەرىلدى.
ساپارباي پارمانقۇل, «ەگەمەن قازاقستان»
الماتى