وسىعان وراي جاستاردى مەملەكەتتىك رامىزدەردى قۇرمەتتەۋ ارقىلى پاتريوتتىققا تاربيەلەۋ, رامىزدەردىڭ ۇلتتىق ماقتانىشىمىز ەكەنىن ۇعىندىرۋ ماقساتىندا «فەميلي» پارك الاڭىندا الماتى سەرۆيستىك قىزمەت كورسەتۋ كوللەدجى كولەمدى اكتسيا ۇيىمداستىردى. 300-دەن اسا ستۋدەنت اتسالىسقان شارا اياسىندا اۋەزوۆ اۋدانىندا ورنالاسقان جەتى كوللەدجدىڭ جاستارى ءوز ونەرلەرى ارقىلى مەملەكەتتىك رامىزدەرگە باس ءيىپ, قۇرمەت ءبىلدىردى. باس ۇيىمداستىرۋشى الماتى سەرۆيستىك قىزمەت كورسەتۋ كوللەدجىنىڭ ديرەكتورى ەرۇلان قاراعۇلوۆ شارانىڭ اشىلۋ سالتاناتىندا ءسوز سويلەپ, جاستارعا مەملەكەتتىك رامىزدەردىڭ ەگەمەندىكتىڭ بەرىك نەگىزدەرىنىڭ ءبىرى ەكەندىگىن, حالقىمىزدىڭ رۋحىن, ۇلتتىق سالت-ساناسىن, قاھارماندىعى مەن دانالىعىن, بولاشاققا ءۇمىتىن, ارمان-تىلەگىن جەتكىزەتىن ەرەكشە قۇندى بەلگىلەر ەكەندىگىن ايتتى. بۇدان كەيىن ستۋدەنتتەر دايىنداعان فلەش-موبتار مەن قويىلىمدارعا كەزەك بەرىلدى. ال اكتسيانىڭ وتۋىنە قولداۋ كورسەتكەن الماتى قالاسىنىڭ اۋەزوۆ اۋداندىق اكىمدىگى وكىلدەرى ۇيىمداستىرۋشىلار مەن ونەرپازدارعا راحمەت ايتىپ, ولاردى, العىس حاتتار جانە باعالى سىيلىقتارمەن ماراپاتتادى.
الماس ءنۇسىپ, «ەگەمەن قازاقستان»
الماتى