اقمولا وبلىسى ۇلتتىق چەمپيوناتتا 25 بىلىكتىلىك بويىنشا سايىسقا قاتىسىپ, 16 مەدالعا يە بولدى. بۇل نەگىزىنەن رەسپۋبليكا كولەمىندە ەڭ جاقسى كورسەتكىش سانالادى. اتاپ ايتقاندا, كوكشەتاۋ قالاسىنىڭ جوعارى كوللەدجىنىڭ وقۋشىلارى دياس دۋلات پەن اناتولي تىششەنكو «توكارلىق ءىس» جانە «شاناق جۇمىستارى» سايىسىندا التىننان القا تاعىندى. سول كوللەدجدىڭ تاعى ءبىر وقۋشىسى ۆالەري ۆودنيتسكي «اعاش شەبەرى ءىسى» بويىنشا جەڭىس تۇعىرىنان كورىندى. بۇدان باسقا, كوكشەتاۋ قالاسىنىڭ №1 قۇرىلىس-تەحنيكالىق كوللەدجىنىڭ وقۋشىلارى ماكسيم بەلچەنكوۆ پەن اننا بوبىلەۆا «دانەكەرلەۋ ءىسى» جانە «سىرلاۋ جۇمىستارى» بويىنشا جەڭىمپاز اتاندى. جانە دە كراسنىي يار قالاسىنىڭ №3 اگروتەحنيكالىق كوللەدجىنىڭ وقۋشىسى ۆالەري ونيششەنكو «سانتەحنيكا جانە جىلىتۋ» بويىنشا التىن مەدالعا يە بولعاندىعىن دا ايتا كەتۋ كەرەك. ەندى التىن جۇلدە يەگەرلەرى قازاقستان قۇراماسى ساپىندا ەلىمىزدى «WorldSkills Russia» حالىقارالىق چەمپيوناتىندا تانىستىراتىن بولادى.
اسقار تۇراپباي ۇلى, «ەگەمەن قازاقستان»
اقمولا وبلىسى