ەل وڭىرلەرىندەگى ءبىلىم ساپاسىن باقىلاۋ قۇرىلىمدارى مەكتەپتەردە ءبىلىم ساپاسىن انىقتاۋ بويىنشا تەكسەرۋلەر جۇرگىزىپ تۇراتىنى بەلگىلى. وسىنداي تەكسەرۋلەردىڭ ناتيجەسىندە اقتوبە وڭىرىندە 2016 جىلى سەكسەن مەكتەپتىڭ ەلۋ سەگىزى اتتەستاتسيادان وتپەگەنى بەلگىلى بولىپ وتىر.
بۇل اتتەستاتسيادان وتپەگەن مەكتەپتەردىڭ سانى 72 پايىز قۇرايتىنىن كورسەتەدى. ال بيىل وسى مەرزىمگە دەيىن جۇرگىزىلگەن تەكسەرىستەردىڭ قورىتىندىسىندا مەكتەپتەردىڭ 62 پايىزى اتتەستاتسيادان تاعى دا وتپەي قالىپتى.
مۇنداي دەرەك قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ اقتوبە وبلىسىنداعى ادەت جونىندەگى كەڭەستىك كەزەكتى وتىرىسىندا بەلگىلى بولدى.
ناقتىراق ايتاندا اقتوبە وبلىسىنىڭ ءبىلىم سالاسىنداعى باقىلاۋ دەپارتامەنتىنىڭ باسشىسى جاننا قايشىعۇلوۆا كوميسسيا مۇشەلەرىنىڭ قويعان ساۋالىنا وراي وسىنداي جاۋاپ قايتاردى. بۇعان قاتىستى ولار اتتەستاتسيادان وتپەگەن ءبىلىم بەرۋ ۇيىمدارىنىڭ باسشىلارىنا ءتيىستى اكىمشىلىك شارا قولدانۋ جونىندەگى ۇسىنىستارىن ءبىلدىردى.
تەمىر قۇسايىن, «ەگەمەن قازاقستان»