كەڭەس وتىرىسى ەاەو-عا مۇشە مەملەكەتتەردىڭ اقپارات مينيسترلەرىنىڭ قاتىسۋىمەن ءوتتى. قازاقستاننان اقپارات جانە كوممۋنيكاتسيا ءمينيسترى داۋرەن اباەۆ قاتىستى.
ەەك كەڭەسىنىڭ وتىرىسىندا بىرقاتار ماڭىزدى ماسەلەلەر قاراستىرىلدى. 2025 جىلعا دەيىنگى ەۋرازيالىق ەكونوميكالىق وداقتىڭ تسيفرلىق كۇن ءتارتىبىن جۇزەگە اسىرۋ بويىنشا باستامالارعا باسا نازار اۋدارىلدى.
ەاەو-نىڭ تسيفرلىق كۇن ءتارتىبىن قالىپتاستىرۋ مۇشە مەملەكەتتەردىڭ اشىق, كەڭ ءارى تەڭ قۇقىلى ىنتىماقتاستىعىنا, ءاربىر مەملەكەتتىڭ ەكونوميكا كولەمى مەن تيىمدىلىگىنىڭ ارتۋىنا جول اشادى. ەاەو ەكونوميكالىق, تەحنولوگيالىق جانە الەۋمەتتىك دامۋدىڭ جاڭا دەڭگەيىنە كوتەرىلەدى.
وتىرىس بارىسىندا ەۋرازەق-ءتىڭ ىشكى نارىعىنداعى كەدەرگىلەردى جويۋ ماسەلەلەرىنە ەرەكشە نازار اۋدارىپ, كەڭەس مۇشەلەرى ەۋرازەق-ءتىڭ ىشكى نارىعىنداعى كەدەرگىلەردى جويۋعا بايلانىستى «جول كارتاسىن» ماقۇلدادى. بۇدان وزگە, 2016 جىلى ەەك شەشىمدەرى جوبالارىنىڭ رەتتەۋشى اسەرىن باعالاۋ ناتيجەلەرى تۋرالى ەەك-ءتىڭ ەسەبى تىڭدالدى.
بۇل شارالار كەشەنى قر تاۋارلارىنىڭ ەۋرازەق ەلدەرى نارىعىنا شىعۋىنا جول اشىپ, شاعىن جانە ورتا بيزنەس ءۇشىن قولايلى جاعداي تۋعىزادى.
ءتيىستى ماسەلەلەردى ەۋرازەق-كە مۇشە مەملەكەتتەردىڭ ۇكىمەت باسشىلارىنىڭ قاراستىرۋى ءۇشىن اعىمداعى جىلدىڭ 26 مامىرىندا ەنگىزۋ جوسپارلانعان.
تاۋارلاردى ەۋرازەق-ءتىڭ كەدەن كودەكسىندە كوزدەلگەن ەەك اكتىلەرىمەن, سونداي-اق, ەۋرازەق-تەگى سايكەستەندىرۋ قۇرالدارىمەن تاڭبالاۋ جۇيەسىن دامىتۋ ماسەلەلەرى كەڭەس مۇشەلەرىمەن تالقىلاندى.
تاڭبالاۋ جۇيەسىن ەنگىزۋ بولاشاقتا كولەڭكەلى ەكونوميكا كولەمىن جانە كونترافاكتىلىك ونىمدەردىڭ اينالىمىن قىسقارتۋعا مۇمكىندىك بەرەدى.
كوميسسيا كەڭەسى ەۋرازەق اياسىندا بالالارعا ارنالعان ويىن الاڭدارىنداعى بىرىڭعاي قاۋىپسىزدىك تالاپتارىن بەلگىلەيتىن تەحنيكالىق رەگلامەنت قابىلدادى. تەحنيكالىق رەگلامەنتتىڭ قابىلدانعان كۇننەن باستاپ 18 اي وتكەن سوڭ كۇشىنە ەنۋى قاراستىرىلعان.
بۇدان وزگە, ۆەتەرينارلىق باقىلاۋ جانە كەدەندىك-تاريفتىك رەتتەۋ سالاسىندا تۋىنداعان ماسەلەلەر بويىنشا شەشىمدەر قابىلداندى.
ەۋرازەق-ءتى ءارى قاراي دامىتۋعا باعىتتالعان بارلىق ماسەلەلەر بويىنشا ءوزارا ءتيىمدى شەشىمدەرگە قول جەتكىزىلدى.