كيپردە ەۋروپا قايتا قۇرۋ جانە دامۋ بانكىنىڭ باسقارۋشىلار كەڭەسىنىڭ جىل سايىنعى وتىرىسى شەڭبەرىندە قر قارجى ءمينيسترى باقىت سۇلتانوۆ پەن ەۋروپا قايتا قۇرۋ جانە دامۋ بانكىنىڭ ءبىرىنشى ۆيتسە-پرەزيدەنتى فيل بەننەتپەن قازاقستان رەسپۋبليكاسى قارجى مينيسترلىگى مەن ەۋروپا قايتا قۇرۋ جانە دامۋ بانكى اراسىنداعى «اقتوبە, جامبىل جانە وڭتۇستىك قازاقستان وبلىستارىنىڭ سۋ شارۋاشىلىق جانە گيدرومەليوراتيۆتى جۇيەلەرىن قايتا قالپىنا كەلتىرۋ» جوباسى بويىنشا كەپىلدىك كەلىسىمىنە قول قويدى. بۇل تۋرالى قر قارجى مينيسترلىگىنىڭ ءباسپاسوز قىزمەتى حابارلادى.
ەۋروپا قايتا قۇرۋ جانە دامۋ بانكى قازاقستان رەسپۋبليكاسىنىڭ اۋىل شارۋاشىلىعى مينيسترلىگى سۋ رەسۋرستارى كوميتەتىنىڭ «قازسۋشار» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا وسى جوبانى قارجىلاندىرۋ ءۇشىن 180 ملن دوللارعا دەيىنگى سومادا مەملەكەت كەپىلدىگىمەن قارىز بەرىپ وتىر.
بۇل قارجىعا اقتوبە, جامبىل جانە وڭتۇستىك قازاقستان وبلىستارىنىڭ سۋ شارۋاشىلىعى مەن گيدرومەليوراتيۆتى جۇيەلەردى قايتا قۇرۋ جانە قالپىنا كەلتىرۋ, سونداي-اق سۋارمالى سۋدىڭ ساپاسىن جاقسارتۋ جانە سۋارمالى جەرلەردى سۋارمالى سۋمەن قامتاماسىز ەتۋ ماقساتىندا قولدانىستاعى سۋلاندىرۋ جۇيەسىنىڭ پاك تيىمدىلىگىن ارتتىرۋ جۇمىستارى جۇرگىزىلەتىن بولادى.