ەلباسىنىڭ جولداۋىندا حالىقتىڭ دەنساۋلىعىن جاقسارتىپ, سالاماتتى ءومىر سالتىن قالىپتاستىرۋ تاپسىرىلعان. وسىعان وراي جەر-جەردە جارقىن ىستەر جالعاسۋدا. وسىنىڭ دالەلى رەتىندە ءۇشتوبە قالاسىندا ەكى قاباتتى «پاندا» سپورتتىق-ساۋىقتىرۋ كەشەنى اشىلدى. وندا ءجۇزۋ باسسەينى, اەروبيكا, ترەناجەر, ۆولەيبول, باسكەتبول, شاعىن فۋتبول وينايتىن ءجانە بالالارعا ارنالعان ارنايى الاڭدار جان-جاقتى جابدىقتالعان.
قازاقستاندىقتاردىڭ 30 پايىزى سپورتپەن اينالىسىپ, حالىقتىڭ جاسىنىڭ ۇزاقتىعىن 72 جاسقا دەيىن جەتكىزۋ مەجەلەنگەنى بەلگىلى. سپورت كەشەنىن ءوز قاراجاتىنا سالعان كاسىپكەرگە جۇرتشىلىق ريزاشىلىعىن ءبىلدىردى. قاراتال اۋدانىنان س. فيليمونوۆ, ۆ. سەدوۆ ءتارىزدى وليمپيادا جەڭىمپازدارى شىققانىن ەسكەرسەك, كەشەندە ولاردىڭ جاڭا ءىزباسارلارى تاربيەلەنەتىنى انىق.
كەشەننىڭ كوگىلدىر لەنتاسى سالتاناتتى تۇردە قيىلىپ, اجەلەر شاشۋ شاشتى. بۇدان كەيىن جاڭا كەشەندەگى سپورتتىق جارىستار جالعاستى.
كۇمىسجان بايجان.
الماتى وبلىسى.