مەملەكەت پەن جەكە كاسىپكەرلىكتىڭ ارىپتەستىگى اياسىندا بۇگىن استانادا باستالاتىن فورۋمنىڭ قارساڭىندا «Pro Team Astana» ۆەلوكومانداسى قازاقستاننىڭ بىرنەشە دۇركىن چەمپيونى, ءحىى ازيا ويىندارىنىڭ جەڭىمپازى, 1996 جانە 2000 جىلدارعى وليمپياداعا قاتىسۋشى اندرەي كيۆيلەۆتىڭ زايىبى ناتاليا مەن ۇلى لەوناردقا ستيپەنديا تاعايىندادى.
ەندى ونىڭ ايەلى مەن بالاسى جىل سايىن «استانا» كومانداسىنىڭ تاراپىنان 7 000 ەۋرو كولەمىندە ستيپەنديا الاتىن بولادى.
جاقىندا ناتاليا مەن لەوناردقا ستيپەنديا تاپسىرۋ ءۇشىن ۆەلوسپورت فەدەراتسياسىنىڭ تاپسىرماسى بويىنشا «استانا» كومانداسىنىڭ كوممەرتسيالىق ديرەكتورى ايدار ماحمەتوۆ موناكوعا بارىپ, اندرەي كيۆيلەۆتىڭ جاقىن تۋىستارىمەن كەزدەستى. وسى جەردە ول ۆەلوشاباندوزدىڭ ايەلى مەن بالاسىنا العاشقى ستيپەنديانى تابىس ەتتى. كەزدەسۋدە ا.ماحمەتوۆ ا.كيۆيلەۆتىڭ وسىدان 10 جىل بۇرىن «تۋر دە فرانس» ۆەلوجارىسىندا ءتورتىنشى ورىن العانىن ايتا كەلىپ, ەگەر سول كەزدە قازا تاپپاعاندا ول ءالى تالاي بيىك بەلەستەردى باعىندىرا الاتىنىن اتاپ كورسەتتى.
ءوز كەزەگىندە ناتاليا كيۆيلەۆا قازىر اندرەي كاشەچكيننەن باسقا ونىڭ بۇرىنعى دوستارى مەن ارىپتەستەرى كيۆيلەۆ وتباسىمەن ارالاسپايتىنىن, تەك اندرەي عانا ءجيى حابارلاسىپ, حال-جاعداي سۇراستىرىپ تۇراتىنىن ايتىپ, وسىنداي قىسىلتاياڭ كەزدە قازاقستان ۆەلوسپورت فەدەراتسياسى مەن «استانا» كومانداسى مەنەدجمەنتىنىڭ ستيپەنديا تاعايىنداعانىنا ريزاشىلىعىن جەتكىزدى.
داستان كەنجالين.