بيىل ەل تاۋەلسىزدىگىنىڭ 20 جىلدىق مەرەيتويى اتالىپ وتپەك. وسىنداي ايتۋلى مەرەكە قارساڭىندا تۋريزم جانە سپورت مينيسترلىگىنىڭ سپورت فەستيۆالىن وتكىزۋى ەل ومىرىندەگى ەلەۋلى وقيعا دەپ بىلەمىن. الدا – لوندون وليمپياداسى. بايراقتى باسەكەدە قازاق ەلى سپورتشىلارىنىڭ سۋىرىلىپ العا شىعىپ, ەل بايراعىن اسپانداتا بەرەتىنىنە سەنگىمىز كەلەدى.
مەنىڭ ۇلىم دانابەك سۋجانوۆ ونشاقتى جىلدان بەرى بوكسپەن شۇعىلدانىپ كەلەدى. ءتىل-اۋزىمىز تاسقا, ءناتيجەسى جامان ەمەس. گۋانچجوۋدا وتكەن ازيا ويىندارىندا جۇلدەگە يە بولسا, ەل بىرىنشىلىگىندە توپ جاردى. قازىر دانابەگىم بوكستان وتەتىن الەم چەمپيوناتىنا ازىرلەنىپ جاتىر. وسى الەمدىك دودادان تابىسپەن ورالسا, ار جاعىندا لوندون وليمپياداسى دا قول بۇلعاپ قالاتىن شىعار.
مەن بۇگىن اكەلىك العىسىمدى «نادال-ترەيد» فيرماسىنىڭ ديرەكتورى نۇرلان بايجىگىت ۇلى موجانوۆقا ايتقىم كەلەدى. نۇرلان باۋىرىمىز ۇزاق جىلدان بەرى اۋەسقوي بوكس فەدەراتسياسىنا جەتەكشىلىك ەتىپ, شىعىستا قانات جايعان بىلعارى قولعاپ شەبەرلەرىنە ۇلكەن كومەك جاساپ كەلەدى. ءوز قارجىسىمەن تالاي بوكسشىنى بايراقتى باسەكەلەرگە جىبەردى. ۇلىم دانابەككە دە قولعابىس جاساپ ءجۇر. «اقسۇڭقار جەمىن شاشىپ جەيدى» دەگەندەي, ن. موجانوۆتاي ەلىنىڭ بولاشاعى ءۇشىن جانى اشيتىن ازاماتتار كوبەيە بەرسە, نۇر ۇستىنە نۇر!
جۇماعۇل سۋجانوۆ, ەڭبەك ارداگەرى.
وسكەمەن.