ۋكرايندىق مامان يگور راحاەۆ «اقتوبە» فك باس باپكەرى لاۋازىمىنان بوساتىلدى, دەپ حابارلادى «قازاقپارات».
راحاەۆ كلۋبقا وسى ماۋسىمنىڭ باسىندا كەلگەن. ونىڭ باسقارۋىمەن «اقتوبە» ون ويىندا ءبىر-اق رەت جەڭىسكە جەتىپ, تەك 6 ۇپاي جينادى. وسىلايشا تاريحتاعى ەڭ تومەن دەڭگەيدى كورسەتتى. قازىر قازاقستاننىڭ بەس دۇركىن چەمپيونى ەل پرەمەر-ليگاسى كەستەسىندە قاراعاندىلىق «شاحتەرمەن» قاتار سوڭعى ورىندا تۇر.
«اقتوبە» فك جەتەكشىلىگىنە ۇمىتكەرلەردىڭ ءبىرى قازاقستان ۇلتتىق قۇراماسىنىڭ بۇرىنعى باس باپكەرى تالعات بايسۋفينوۆ. ال 10 مامىردا «اتىراۋ» كومانداسىمەن بولاتىن ماتچقا كوماندانى جەرگىلىكتى مامان يگور پروحنيتسكي دايىنداۋدا.