«استانا» العا ادىمداۋدا

دەمالىس كۇندەرى فۋتبولدان قازاقستان پرەمەر-ليگاسىنىڭ حح تۋرى اياقتالدى. وسى تۋردا وتكەن ءتورت ويىندا ءۇش رەت الاڭ يەلەرى جەڭسە, ءبىر ويىندا قوناقتار ءۇش ۇپايدى ولجالاپ كەتتى. تۋردىڭ باستى ويىنى تالدى­قورعاندا بولدى. «جەتىسۋ» شىم­كەنتتىڭ «ورداباسى» كومانداسىن قابىلدادى. بۇل ويىندا «اس­تانا­نىڭ» وكشەسىن باسىپ كەلە جاتقان الاڭ يەلەرى 2:1 ەسەبىمەن جەڭىپ, وزدەرىنە اۋاداي قاجەت ءۇش ۇپايدى يەلەندى. «استانا» بولسا, ءوز الا­ڭىن­دا «تارازدى» 1:0 ەسەبىمەن ۇتىپ, كوشباسىنداعى ورنىن ساق­تاپ قالدى. ەگەر ويىن بىتكەن سوڭ قوسىمشا بەرىلگەن ءۇش مي­نوتتە بوگاۆەتس 11 مەترلىك ايىپ دوبىن ورىن­داماعاندا قارسىلاس­تار تەڭ ەسەپپەن تارقاساتىن ەدى. بىراق ءتو­رەشىنىڭ جۇرەگى استانا­لىقتارعا بۇرىپ تۇرعان ويىن وسىنداي ەسەپپەن اياقتالدى. تۋرنير كەستەسىنىڭ سوڭىندا كەلە جات­قان «قايسار» مەن «ۆوستوك» ءۇش ۇپايعا قول جەتكىزدى. قى­زىلوردانىڭ كومانداسى «قايرات­تى» – 2:0, «ۆوستوك» سىرت الا­ڭىن­دا «اتىراۋدى» 1:0 ەسەبىمەن ۇتتى. بۇل تۋردا «ەرتىس», «اقتوبە», «توبىل» مەن «شاحتەر» ەۋروپا الاڭدارىندا ويناپ جاتقان­دىق­تان ولاردىڭ ماتچتارى كەيىنگە شەگەرىلدى. حح تۋردان كەيىن مەرگەندەر ءتىزىمىن «جەتىسۋدىڭ» ويىن­شىسى ۇلىقبەك باقاباەۆ باستاپ كەلەدى. ول 14 دوپ سوعىپ وتىر. ەكىنشى ورىن­دا 11 دوپ سوققان «شاح­تەر­دىڭ» شابۋىلشىسى سەرگەي حيجنيچەنكو بولسا, ءۇشىنشى ورىندى سەرگەي گريدين («تو­بىل»), ماليك مانە مەن مارات حايرۋللين (ەكەۋى دە «اقتوبە») ارقايسىسى 8 دوپ سوعىپ, يەلەنىپ وتىر. داستان كەنجالين.