وبلىس ورتالىعىندا 126 پاتەرلى 9 قاباتتى ءۇي پايدالانۋعا بەرىلىپ, پەتروپاۆلدىقتار ۇلكەن قۋانىشقا بولەندى. ونىڭ اشىلۋ سالتاناتىنا ايماق باسشىسى سەرىك ءبىلالوۆ قاتىسىپ, قونىستانۋشىلارعا پاتەر كىلتتەرىن تابىس ەتتى. قالانىڭ شەتكەرى «يۋبيلەينىي» شاعىن اۋدانىندا بوي كوتەرگەن جالگەرلىك-كوممۋنالدىق باسپانا الدىمەن كوپ بالالى وتباسىلارعا, اۋعان سوعىسى مەن چەرنوبىل اپاتىن جويۋعا قاتىسۋشىلارعا, مۇگەدەكتەر مەن اتا-انانىڭ قامقورلىعىنسىز قالعان جاندارعا, بيۋدجەتتىك سالا قىزمەتكەرلەرىنە بەرىلدى. بۇل كۇنى باسپانا كەزەگىن 20 جىلدان اسا كۇتكەن ينتەرناتسيوناليست-جاۋىنگەر ۆالەري دولينيننىڭ قۋانىشىندا شەك بولعان جوق. سول سياقتى كەنجەباەۆتار مەن سيروتكيندەردىڭ كوپ بالالى وتباسىلارى دا جايلى پاتەرلەرگە قونىستاندى. قونىستانۋشىلار اتىنان مۇگەدەك جان مارحابا سىزدىقوۆا ءسوز الىپ, ەلباسىنا دەگەن ريزاشىلىق سەزىمىن ءبىلدىردى.
ءومىر ەسقالي,
سولتۇستىك قازاقستان وبلىسى.