كەندى التايدىڭ جۇرەگى – وسكەمەن بۇگىندە ءساۋلەتتەنە, كوركەيە ءتۇستى. قازىر كوشەلەرگە كۇردەلى ءجوندەۋ جۇرگىزىلىپ جاتىر. تامىز ايىندا وبلىس ورتالىعىندا ەكى بىردەي ايتۋلى وقيعا بولماق. «التاي – تۇركى الەمىنىڭ التىن بەسىگى» اتتى حالىقارالىق فەستيۆال مەن حالىقارالىق اقىندار ءمۇشايراسى ەكىنشى رەت دۇركىرەپ وتپەك. ونىڭ باس جۇلدەسى 1 ميلليون 200 مىڭ تەڭگە, بارلىعى التى ميلليوننان استام تەڭگە ءبولىنگەن. سونداي-اق, قىركۇيەك ايىنىڭ العاشقى ونكۇندىگىندە استانادا شىعىس قازاقستان وبلىسىنىڭ مادەني كۇندەرى وتپەك.
وبلىس اكىمى بەردىبەك ساپارباەۆ تاياۋدا وتكەن اقپارات قۇرالدارى وكىلدەرىنىڭ مەرەكەسىندە وسى جونىندە ايتا كەلىپ, بيىل امانشىلىق بولسا, ءوسكەمەندە جاڭا قازاق تەاترى جانە مادەنيەت, ونەر, سپورت سالاسى قىزمەتكەرلەرى ءۇشىن جاتاقحانا سالىناتىنىنان حاباردار ەتتى.
وڭداسىن ەلۋباي.
شىعىس قازاقستان وبلىسى.