پارلامەنت سەناتىندا زاڭناما جانە قۇقىقتىق ماسەلەلەر كوميتەتىنىڭ حاتشىسى سەرىك اقىلباي باستاعان دەپۋتاتتار «گرۋپپ 4 سەكۋريكور» كومپانياسىنىڭ ايماقتىق اتقارۋشى ديرەكتورى ۆيللەم انتونيۋس حەنريكۋس ۆان دەن ۆەنمەن كەزدەستى, دەپ حابارلادى وسى پالاتانىڭ ءباسپاسوز قىزمەتى.
كەزدەسۋ بارىسىندا بوستاندىقتى شەكتەۋگە بايلانىستى ەمەس, سونداي-اق قاماۋعا الۋعا بالاما جازالاردى قولدانۋ سالاسىنداعى الدىڭعى قاتارداعى حالىقارالىق تاجىريبەنى ەنگىزۋ ماسەلەلەرى تالقىلاندى.
كومپانيانىڭ اتقارۋشى ديرەكتورى دەپۋتاتتاردى توپ قىزمەتى تۋرالى حاباردار ەتىپ, قوعامدىق جانە جەكە قاۋىپسىزدىك سالاسىنداعى جۇمىس تاجىريبەسى, سوت شەشىمدەرىنىڭ ورىندالۋىن قامتاماسىز ەتۋ, سوت پروتسەستەرىندەگى ءتارتىپتى ۇيىمداستىرۋ, اباقتىلار مەن ارنايى مەكەمەلەردى باسقارۋ تۋرالى اڭگىمەلەدى.
كەزدەسۋدە الەمدەگى تابىستى تاجىريبەلەردى, اسىرەسە, ايىپتالۋشىلاردىڭ مىنەز-قۇلقىن, شارتتى تۇردە سوتتالعاندار مەن شارتتى تۇردە مەرزىمىنەن بۇرىن بوساعانداردى باقىلاۋدى جەتىلدىرۋ بولىگىندە قۇقىق قورعاۋ ورگاندارىنىڭ قىزمەتىنە يننوۆاتسيالىق تەحنولوگيالاردى ەنگىزۋدىڭ ماڭىزدىلىعى اتاپ ءوتىلدى.