دوستىق كورمەسى

استانادا قازاق ۇلتتىق ونەر ۋنيۆەرسيتەتىنىڭ «شا­بىت» شىعارماشىلىق سارايىندا قىتايدىڭ «بەيبىتشىلىك ءۇشىن ساياحات» اتتى كورمەسى وتۋدە. شانحاي ىنتىماقتاستىق ۇيىمىنىڭ مەرەيتويلىق سام­ميتى مەن قحر توراعاسى حۋ تسزينتاونىڭ قازاق­ستان­عا رەسمي ساپارى اياسىندا اشىلعان كورمەگە قىتاي سۋرەتشىلەرى مەن وسى ەلگە سىي­عا تارتىلعان قازاقستان قىل­قالام شەبەرلەرىنىڭ شىعار­ما­لارى قويىلعان. شارانىڭ اشىلۋ راسىمىنە قر ءبىرىنشى ۆيتسە-پرەمەرى ومىرزاق شوكە­ەۆ, مادەنيەت ءمينيسترى مۇح­تار قۇل-مۇحاممەد, قىتاي جا­عىنان وسى ەلدىڭ مەملەكەتتىك كەڭەسىنىڭ مۇشەسى دەي بين­گو, قحر-دىڭ قازاقستان رەس­پۋب­ليكاسىنداعى توتەن­شە جانە وكىلەتتى ەلشىسى چجوۋ لي قاتىستى. كورمەگە كە­لۋشىلەر قىتاي ەلىنىڭ كور­كەمسۋرەت ونەرىندە ەلەۋلى ورىن الاتىن ءىرى تۇلعالاردىڭ «گوحۋا», «گوحۋا» مەن «مايلى بوياۋ­داعى سۋرەت» ستيلدەرىن ارالاستىرا وتىرىپ ورىندا­عان تۋىندىلارىن تاماشا­لا­دى. بۇل سۋرەتتەردە تابيعي لان­دشافت پەن پەيزاج جان­رى, تاۋلاردىڭ, قۇستاردىڭ, جانۋارلاردىڭ نەشە ءتۇرى بەينەلەنگەن. وسى كۇنى قحر حالىق­ارالىق قورىنىڭ باسشىسى چجان دەگۋان قازاقستاننىڭ بىرنەشە سۋرەتشىسىنە ەكى ەل اراسىنداعى دوستىقتىڭ بەلگىسى رەتىندە اقتوتى قول­قا­قىزى, لاۋرا ورازبەكوۆا, ما­رات توقسەيتوۆ, قاليوللا احمەتجانوۆ, سەنبىعالي سما­عۇلوۆ سەكىلدى بەلگىلى قىل­قالام شەبەرلەرىنە كۋبوك تابىس ەتتى. ال ك.بايسەيتوۆا اتىنداعى ۇلتتىق وپەرا جانە بالەت تەاترى ديرەك­تورىنىڭ ورىنباسارى ءدۇي­سەن مۇسابەكوۆ پەن ءابىلحان قاستەەۆ اتىنداعى مەملەكەتتىك ونەر مۋزەيىنىڭ ديرەك­تورى باقىت سەراليەۆ قى­تايدىڭ ما جۋن, چجون ليجەن, ۆان گۋاڭ, ياجەن بەو, داي چاو, ما ۆەي, يان شۋگۋان سياقتى سۋرەتشىلەرىن ديپلوممەن ماراپاتتادى. ءبىر ايتا كەتەتىن ءجايت, كورمە 15 ماۋسىمعا دەيىن جال­عاسادى. وسى كۇندەرى كور­مەگە كەلۋشىلەر   مارات تۇق­سايى­توۆ, تولەۋعازى بايعا­ليەۆ, قاليوللا احمەتجانوۆ, ۆلاديمير پروتسەنكو, سەنبىعالي سماعۇلوۆ, ەرلان ايتۋاروۆ جانە باسقا دا تا­نىمال وتان­دىق سۋرەتشىلەر­دىڭ شىعار­ما­لارىن دا تاماشالاي الادى. داستان كەنجالين.