مەملەكەت باسشىسى نۇرسۇلتان نازارباەۆتىڭ ۇستىمىزدەگى جىلدىڭ 27 قاڭتارداعى جارلىعىمەن ماۋسىم ايىن «پاتريوتيزم» ۇرانىمەن وتكىزۋ بەلگىلەنگەن ەدى. ەلباسىنىڭ تاپسىرماسىن جۇزەگە اسىرۋ ماقساتىندا قوستانايدا پاتريوتتار فورۋمى ۇيىمداستىرىلىپ, وعان ەلىمىزدىڭ بارلىق ايماعىنان وكىلدەر قاتىسقان بولاتىن. وسىمەن ءتورتىنشى رەت ۇيىمداستىرىلعان ايتۋلى شارا دىتتەگەن ماقساتىنا قول جەتكىزدى دەپ ۇلكەن سەنىممەن ايتۋعا نەگىز بار.
ونى سول شاراعا قاتىسقان دەلەگاتسيا وكىلدەرىنىڭ تومەندەگى توپتامادا بەرىلگەن پىكىرلەرى ايعاقتاي تۇسەدى.
ەلىمىز تاۋەلسىزدىك العالى بەرگى كەزەڭدە العاش رەت وتكەن پاتريوتتار فورۋمىنان ەرەكشە اسەرگە ءبولەندىك. ويتكەنى, بۇل ادەتتەگى جيىن ەمەس ەدى. ءاسىرەسە, بۇل فورۋمنىڭ تاۋەلسىزدىكتىڭ ەلەڭ-الاڭىندا ومىرگە كەلگەن, بۇگىندە الدى ەڭبەككە ارالاسا باستاعان جاستار ءۇشىن ونەگەلى شارا بولعانى داۋسىز. فورۋمدا ءسوز العان شوتا ءۋاليحانوۆتاي مەملەكەتتىك ءرامىز اۆتورىنىڭ, مادەنيەت ءمينيسترى مۇحتار قۇل-مۇحاممەدتىڭ شەشەندىك ءسوزدەرى جاستار جۇرەگىنە وتانشىلدىق, ەلجاندىلىق قاسيەتتىڭ ساۋلەسىن سەبەزگىلەدى.
جالپى, قازاق جاستارى ەلدىڭ پاتريوتى بولۋدى كىمنەن, قالاي ۇيرەنۋ قاجەت؟ قازاق ەلى تاۋەلسىزدىكتىڭ 20 جىلىندا بۇرىن-سوڭدى قول جەتپەگەن جاسامپاز ىستەرمەن, تولايىم جەتىستىكتەرمەن قارقىندى دامۋعا قالاي قول جەتكىزدى؟ بۇگىندە تاۋبە دەيىك, قازاق ەلىن, قازاق حالقىن جاھان جۇرتى تانىدى. قازاق ەلى دەسە ەلەڭدەمەيتىن, ىسكەرلىك, ەكونوميكالىق بايلانىس ورناتۋعا, بىزدەگى وزگە جۇرتقا ۇلگى بولارداي رەفورمالارىمىزدان ونەگە الۋعا ۇمتىلمايتىن, ءححى عاسىرداعى الەمدىك ساۋلەت ونەرىمەن جارقىراعان جاۋھار ەلوردامىز – استانامىزعا تاڭدانبايتىن, تامسانبايتىن ەل جوق. قازاقستاندى 20 جىلدا الەم تانىعان جاڭا تۇرپاتتاعى مەملەكەت رەتىندە قالىپتاستىرۋدا تۇڭعىش پرەزيدەنتىمىز نۇرسۇلتان نازارباەۆتىڭ ەرەن ەڭبەگى بار. ءسوزى مەن ءىسى قابىسقان قازاقتىڭ ناعىز پاتريوتى نۇرسۇلتان نازارباەۆ دەپ بىلەمىن. نۇرسۇلتان ءابىش ۇلىنىڭ قازاقتىڭ ەلىن دە, جەرىن دە, ءتىلىن دە سۇيەتىنى, الەم ەلدەرى الدىندا قازاقتىڭ ابىرويىن اسقاقتاتقانى بارشامىزدىڭ مەرەيىمىزدى تاسىتتى.
قازاق جاستارى ەلىنىڭ پاتريوتى بولۋدى الدىمەن ەلباسىمىز نۇرسۇلتان نازارباەۆتىڭ مەملەكەت قۇرۋداعى تاجىريبەسىنەن, ساياساتكەرلىگىنەن ۇيرەنسە دەيمىز. كەيدە الدەبىر ادامداردىڭ «مەن – ەلىمنىڭ پاتريوتىمىن!» دەپ كەۋدە كەرە ءسويلەگەنىمەن, ىسىنەن پاتريوتتىققا جۇعىسپايتىن ارەكەتتەر كورىپ جۇرەمىز. ال نۇرسۇلتان نازارباەۆ كەۋدەمسوقتىق تانىتپاي-اق قازاق ەلىن ەقىۇ-عا توراعا ەتتى. وسى ۇيىمعا مۇشە ەلدەردىڭ باسشىلارىن جيناپ, استانا ءسامميتىن وتكىزدى. ەندى جاقىندا قازاق ەلى يسلام كونفەرەنتسياسى ۇيىمىنا توراعالىق تىزگىنىن ۇستاماق. بۇدان وزگە, قازاق ەلىنىڭ ارالاسۋىمەن ءتۇرلى شارالارى ءوتىپ جاتاتىن حالىقارالىق ۇيىمدار قانشاما! مىنە, وسىنىڭ ءبارىن وي ەلەگىنەن وتكىزگەندە, ەلدىڭ كەلەشەگى ءۇشىن ەرىنبەي ەڭبەك ەتۋ ارقىلى كەيىنگى تولقىننىڭ بويىنا وتانشىلدىق, ەلجاندىلىق قاسيەتتەردى سىڭىرۋگە بولاتىنىنا كوز جەتە تۇسەدى.
كەيبىرەۋلەر پاتريوت بولۋ ءۇشىن ەرلىك كورسەتۋ قاجەت دەيدى. بۇگىنگى وركەنيەتتى, بەيبىت قوعامدا اسكەريلەرگە ءتان ەرلىكتى كورسەتۋ بارشانىڭ ماڭدايىنا جازىلا بەرمەيدى. بىراق, سولاي ەكەن دەپ قوعامدىق دامۋعا, ەلدىڭ الەۋمەتتىك-ەكونوميكالىق وركەندەۋىنە اتسالىسۋدان شەتتەۋگە بولماس. مەنىڭشە, ءار قازاقستاندىق تۋعان وتانىنا, ەلىنىڭ كەلەشەگىنە ادال قىزمەت ەتۋىمەن دە پاتريوت بولا الاتىنىن ۇمىتپاسا ەكەن.
داميربەك يدريس, اتىراۋ وبلىستىق جاستار ءماسليحاتىنىڭ توراعاسى.
اتىراۋ وبلىسى.