كەشە «نۇر وتان» حدپ ورتالىق اپپاراتىنىڭ ءباسپاسوز ورتالىعىندا قوعامدىق قابىلداۋ بولمەسىنىڭ مەڭگەرۋشىسى ج.جۇكەنوۆ «نۇر وتان» حدپ قوعامدىق قابىلداۋ بولمەلەرىنىڭ جۇمىس قورىتىندىسىن شىعارۋعا ارنالعان كەزەكتى بريفينگىن وتكىزدى. ول جۋرناليستەر الدىندا كوپتەگەن مالىمەتتەردى كولدەنەڭ تارتتى.
2011 جىلدىڭ ەسەپ بەرىلىپ وتىرعان كەزەڭىندە قوعامدىق قابىلداۋ بولمەلەرىنە 5 569 ءوتىنىش ءتۇستى, سونىڭ ىشىندە جازباشا وتىنىشتەر سانى – 1960. تالداۋ كەزەڭىندە وتكەن جىلدىڭ وسى ۋاقىتىمەن سالىستىرعاندا, ءوتىنىشتەردىڭ باسپانامەن قامتاماسىز ەتۋگە قاتىستىسى – 6,4 پايىزعا, زەينەتاقى جانە تولەماقى تولەۋ بويىنشا – 5,9 پايىزعا, تۇرعىن ءۇي-كوممۋنالدىق سالالارى جانە ەڭبەككە ورنالاستىرۋ جونىندە 4,1 پايىزعا ەلەۋلى تومەندەگەنى بايقالدى. سونىمەن بىرگە, وتكەن جىلدىڭ وسى ۋاقىتىمەن سالىستىرعاندا, سوت شەشىمىمەن كەلىسپەۋ ءۇش ەسەگە, ال ەڭبەكاقىنى تولەمەۋ ماسەلەسى جونىندەگى وتىنىشتەر ەكى ەسەگە كوبەيگەن.
پارتيانىڭ قوعامدىق قابىلداۋ بولمەلەرى ارقىلى مەملەكەتتىك ورگاندارعا جىبەرىلگەن ازاماتتاردىڭ وتىنىشتەرىن قاراۋ بويىنشا جۇمىستار جالعاسۋدا. ەسەپ بەرۋ كەزەڭىندە مەملەكەتتىك جانە قۇزىرەتتى ورگاندارعا قاراۋ ءۇشىن 1556 (جازباشا تۇسكەن ءوتىنىشتەردىڭ جالپى سانىنىڭ 79,3%-ى) ءوتىنىش جىبەرىلدى. ولاردىڭ قاراۋعا جىبەرىلگەن جالپى سانىنان 60% قۇرايتىن 939 وتىنىشىنە جاۋاپ الىندى. بۇل رەتتە 410 ءوتىنىش (44%) ءوزىنىڭ وڭ شەشىمىن تاپتى.
ەسەپ بەرۋ كەزەڭىندە پارتيانىڭ قوعامدىق قابىلداۋ ءبولمەلەرىنە 669 ءوتىنىش كەلىپ ءتۇستى, ونىڭ ىشىندە جازباشاسى – 421. كەلىپ تۇسكەن جازباشا ءوتىنىشتەردىڭ ەڭ ۇلكەن سانى: استانا قالاسىنىڭ تۇرعىندارىنان – 113, الماتى قالاسىنان – 77 جانە اقمولا وبلىسىنان – 30. 2011 جىلدىڭ مامىر ايىندا پارتيانىڭ قوعامدىق قابىلداۋ بولمەلەرىنە كەڭەس الۋ ماقساتىندا 3609 ادام, ونىڭ ىشىندە زاڭ بويىنشا كومەك سۇراعان 2071 ادام (75%) كەلدى. بارلىق ازاماتتار اۋىزشا ءوتىنىشتەرى بويىنشا قاجەتتى كەڭەستەر مەن ناقتى تۇسىنىكتەمەلەر الدى.
ۇستىمىزدەگى جىلدىڭ 18-20 مامىرىندا پارتيا ورتالىق اپپاراتىنىڭ قوعامدىق قابىلداۋ بولمەسىندە ادىلەت مينيسترلىگىمەن بىرلەستىكتە حالىققا قۇقىقتىق كومەك بەرىپ, ولاردىڭ قۇقىقتىق ساۋاتتىلىعىن ارتتىرۋ ماقساتىندا «ادىلەت كەڭەس بەرەدى» رەسپۋبليكالىق اكتسياسى ءوتتى. اكتسيا بارىسىندا ەلىمىزدىڭ بارلىق ايماقتارىندا پارتيانىڭ قوعامدىق قابىلداۋ بولمەلەرى ادىلەت ورگاندارى وكىلدەرىمەن بىرلەسە وتىرىپ, حالىقپەن 85 كەزدەسۋ, كاسىپورىندارعا 58 ساپار جانە وقۋ ورىندارىنا 65 ساپار, سونداي-اق حالىققا قىزمەت كورسەتۋدىڭ 70 ورتالىعىندا ازاماتتارمەن كەزدەسۋ ۇيىمداستىردى. ادىلەت جانە قىلمىستىق-اتقارۋشى جۇيە ورگاندارىنىڭ, «جىلجىمايتىن م ۇلىك» رمك, «سوت ساراپتاماسى ورتالىقتارى», نوتاريالدى پالاتا, ادۆوكاتتار القاسى مەن باعالاۋشىلار پالاتاسىنىڭ وكىلدەرى قۇقىقتىق كومەك سۇراپ كەلگەن 23 585-تەن استام ادامعا كەڭەس بەردى. كەلىپ تۇسكەن 17 078 جازباشا ءوتىنىشتىڭ شامامەن 3718-ءى وڭتايلى شەشىمىن تاپسا, 12 365-تەن استامى ءوتىنىش يەلەرىنە كوتەرگەن ءماسەلەلەرى جونىندە تۇسىنىكتەمەلەر بەرىلدى جانە 995-ءى قارالۋدا.
بارلىق دەڭگەيدەگى دەپۋتاتتار, مەملەكەتتىك ورگاندار, وبلىستىق, قالالىق, اۋداندىق وكىلدەر ازاماتتاردى قابىلداۋ جۇمىستارىن جالعاستىرۋدا.