اتقارۋشى بيلىكتىڭ Cەمەيگە ساپارى

اپتانىڭ سوڭىندا قازاقستان رەسپۋبليكاسى پرەمەر-ءمينيسترىنىڭ ورىنباسارى – يندۋستريا جانە جاڭا تەحنولوگيالار ءمينيسترى اسەت يسەكەشەۆ جۇمىس ساپارىمەن شىعىس قازاقستان وبلىسىندا بولدى. پرەمەر-ءمينيستردىڭ ورىنباسا­رى ساپارىن جۇما كۇنى سەمەيدەن باس­تادى. ونىمەن بىرگە سەمەيگە اتقارۋشى بيلىك, بانك جانە ۇلتتىق كوم­پانيالار وكىلدەرى, سونداي-اق پارلامەنتتىك توپ مۇشەلەرى كەلدى. ولار ەڭ الدىمەن «تەپلو­كوم­مۋنەنەرگو» مەملەكەتتىك كاسىپ­ور­نىنا قاراستى ءبىرىنشى جىلۋ ور­تا­لىعىندا بولىپ, ونداعى جۇمىس­پەن تانىستى. بۇل ورتالىق بيىل­عى جىلى ىسكە قوسىلعان بولاتىن. ۇكىمەت تاراپىنان بولىنگەن 7 ميللياردتان استام تەڭگە سۋ جى­لىتۋ قازاندىعىنىڭ قۇرىلىسىنا جۇمسالعان-دى. ال قازىر جىلۋ ور­تالىعىنىڭ جەتىنشى قازاندى­عى­نا جوندەۋ جۇمىستارى جۇرگىزىلۋدە. حيميالىق سۋ تازارتۋ كەشەنىنىڭ, جانار-جاعار ماي جەتكىزۋ جە­لىسى­نىڭ جانە جاڭا سۋ قوندىرعى­لارى­نىڭ قۇرىلىسى دا بيىلعى جىلى اياقتالماق. قالا باسشىلىعى ءما­لىم­دەپ وتىرعانىنداي, ۇكىمەت تا­راپىنان سەمەي قالاسىنىڭ كوم­مۋ­نالدىق جۇيەسىن جانداندىرۋعا جاسالىپ جاتقان قامقورلىقتا كەمشىن جوق. سوندىقتان جىلدار بويى قوردالانىپ كەلگەن بۇل كۇردەلى ماسەلەنىڭ وڭ شەشىم تاباتىن كۇنى دە الىس ەمەس. ۇكىمەت باسشىسىنىڭ ورىن­باسارى بۇدان كەيىن «شىعىس سۋ­سىندارى» جەكەمەنشىك سەرىكتەستىگىندە بولدى. ەلىمىزدە شولمەك دايىندايتىن ەكى زاۋىتتىڭ ءبىرى وسىندا. وكىنىشكە قاراي, قالا بيۋد­جەتىنە قىرۋار قارجى قۇيىپ كەلگەن بۇل كاسىپورىن سوڭعى جىل­دارى  توقىراپ قالعان-دى. ەندى ول قايتادان قاتارعا قوسىلىپ جاتسا, نۇر ۇستىنە نۇر بولار ەدى. اسەت يسەكەشەۆ كەلەسى كەزەكتە تەرى وڭدەۋمەن جانە باسەكەگە قا­بىلەتتى تەرى-ءجۇن ونىمدەرىن داي­ىن­داۋمەن اينالىساتىن «سەمەي ءجۇن-تەرى» جەكەمەنشىك سەرىكتەستىگىندە بولىپ, اتالعان كاسىپ­ورىن­نىڭ جاي-كۇيىمەن تانىستى. وب­لىس اكىمى بەردىبەك ساپارباەۆ قو­ناقتارعا اتالعان كاسىپورىندار­دىڭ تىنىس-تىرشىلىگى حاقىندا تو­لىق تۇسىنىك بەردى. بۇدان كەيىن پرەمەر-مي­نيستر­دىڭ ورىنباسارى  وسكە­مەن­دەگى «ۆوستوكماشزاۆود» جانە «كوندەنساتزاۆود» اكتسيونەرلىك قو­عامدارىندا بولدى. ال بۇگىن ونىڭ قاتىسۋىمەن وبلىستىق اكىم­دىكتە وڭىردەگى كەيبىر كاسىپ­ورىن­داردىڭ بولا­شاق­تاعى دامۋى جانە ەلى­مىزدىڭ ۇدەمەلى يندۋس­تريا­لىق-ين­نوۆاتسيالىق باعدارلا­ما­سىن ءۇي­لەس­تىرۋ جونىندە كە­ڭەس­تەر وتكىزىلەدى دەپ كۇتىلۋدە. داۋلەت سەيسەن ۇلى. سەمەي.