الماتى وبلىسىنىڭ قۇرمەتتى ازاماتى, دەربەس زەينەتكەر ءباتيما ساقاۋوۆا كەزىندە حالىقتىڭ الەۋمەتتىك-تۇرمىستىق جاعدايى مەن ءمادەنيەتىن كوتەرۋگە وزىندىك ۇلەسىن قوسىپ, پەرزەنتتىك پارىزىن وتەگەن. سوناۋ 1968 جىلى تالدىقورعان وبلىستىق اتقارۋ كوميتەتى توراعاسىنىڭ ورىنباسارى لاۋازىمىندا ءجۇرگەندە بۇگىنگى قالاداعى الەۋمەتتىك ماڭىزى زور عيماراتتاردىڭ بوي كوتەرۋىنە وزىندىك قولتاڭباسىن قالدىرعان.
بار سانالى عۇمىرى مەن قىزمەتى تۋعان حالقىنىڭ كوز الدىندا وتكەندىكتەن بولار, بۇگىندە ونى ۇلكەن مەن كىشى اقىلشى انا, قامقور جان رەتىندە باعالايدى.
ءومىردىڭ سان سوقپاقتى قيىندىعى مەن قىزىعى قاتار جۇرەتىنى بەلگىلى. سونداي كەزدە دە ءباتيما اپاي قازاق ايەلدەرىنە ءتان سابىرلىلىقتى جانىنا سەرىك ەتتى. بۇگىندە قىزى روزا جوعارى ءبىلىمدى دارىگەر, كىشىپەيىل, يناباتتىلىعىمەن دە ورتاسىنا سىيلى.
ومىردەن وتكەن جولداسى, سوعىس ارداگەرى ەركىنباي قاريانىڭ قۇتتى شاڭىراعىن ۇستاپ, بالالارى مەن نەمەرەلەرىن تاۋەلسىز ەلىمىزدىڭ دامۋىنا وزىندىك ۇلەسىن قوسۋعا تاربيەلەگەن اجە وسىلاي عۇمىر كەشۋدە.
جەتىسۋدىڭ جاۋقازىنداي جايناعان قايراتكەر قىزدارىنىڭ ءبىرى ءباتيما ەسبولاتقىزى جاسى سەكسەننىڭ سەڭگىرىنەن اسقانىمەن ءالى دە تىڭ, جيىنداردا ەلباسىنىڭ ساياساتىن قولداپ, جاس ۇرپاققا ايتار اقىلىن جەتكىزىپ ءجۇر.
قازاقتىڭ قىزى دەگەن عاجاپ اتقا لايىق ءباتيما اپايدىڭ وتكەن ءومىرى كىمگە بولسىن ونەگە, ۇلگى.
الماتى وبلىسى.