استانادا تەلەكوممۋنيكاتسيا سالاسىن جەتىلدىرۋ ماسەلەسىنە ارنالعان تەLECOM 2011 اتتى فورۋم ءوتتى. بايلانىس جانە اقپارات سالاسى ماماندارىنىڭ اراسىندا جىلداعى ءداستۇر بويىنشا وتەتىن كەزدەسۋگە ەلىمىزدىڭ بارلىق وڭىرلەرىنەن باسقا, رەسەي, گەرمانيا, سلوۆەنيا, جاپونيا مەن وزبەكستاننان 150-دەن استام پروۆايدەرلەر, بايلانىس وپەراتورلارى مەن مەملەكەتتىك قىزمەتكەرلەر قاتىستى.
فورۋمدا ەلىمىزدىڭ تەلەكوممۋنيكاتسيا سالاسىن, ينتەراكتيۆتى ءجانە ساندىق تەلەۆيزيانى, كەڭ جولاقتى 4 G ءموبيلدى بايلانىستى دامىتۋ, ەلەكتروندى ۇكىمەتتى قالىپتاستىرۋ, كەڭ جولاقتى ينتەرنەتپەن قامتاماسىز ەتۋ مەن اقپاراتتىق قاۋىپسىزدىك ماسەلەلەرى قارالدى.
وسى كۇندەرى «قازاقتەلەكوم» اق-نىڭ جۇمىسىنىڭ ناتيجەسىندە ەلىمىزدە اقپاراتتىق-كوممۋنيكاتسيالىق تەحنولوگيانى دامىتۋدا ءۇلكەن جۇمىستار ىستەلىنۋدە. سولاردىڭ ءبىرى ەلىمىزدىڭ بارلىق ءوڭىرلەرىن كەڭ جولاقتى ينتەرنەتپەن قامتاماسىز ەتۋ جانە جىلدامدىعىن ەكى ەسەگە ارتتىرۋ جۇمىسى فورۋمدا ەڭ كوپ قارالعان ماسەلەلەردىڭ ءبىرى بولدى.
جالپى, كەزدەسۋدە تەلەكوممۋنيكاتسيا سالاسىنا ارنالعان 30-دان استام ماسەلە قارالدى. «قازاقتەلەكوم» اق باسقارماسىنىڭ توراعاسى قۋانىشبەك ەسەكەەۆ ايتقانداي, وسىلاردىڭ ءبارى ءبىر-بىرىمەن بايلانىستى. دەگەنمەن, ينتەرنەتتىڭ ساپاسى مەن جىلدامدىعىن ارتتىرۋ بۇگىندە كەزەك كۇتتىرمەيتىن ماسەلەگە اينالىپ وتىر. وسىعان بايلانىستى ول بيىل ينتەرنەتتىڭ جىلدامدىعىن ەكى ەسەگە ارتتىرۋ جوسپارلانىپ وتىرعانىن ايتتى. ونىڭ ايتۋىنشا, «مەگالاين حيت» تاريفتىك جوسپارى بويىنشا 512 كبيت/س-تەن 1 مبيت/س-كە ارتتىرۋ كوزدەلۋدە. ال 2012 جىلعا قاراي «قازاقتەلەكوم» ينتەرنەتكە قوسىلعان سەكونتىنە 40 مەگابيت جىلدامدىعى بار وپتيكالىق-تالشىقتىق جۇيەنى جۇرگىزۋدى جوسپارلاۋدا. سونىمەن بىرگە, ول ينتەرنەتتىڭ جىلدامدىعى كوبەيسە دە ونىڭ باعاسىنىڭ وسپەيتىنىن, سول قازىرگى قالپىندا قالاتىنىن مالىمدەدى.
كەزدەسۋدە كوتەرىلگەن تاعى ءبىر ماسەلە, ەكى جاڭا داتا-ورتالىقتارىن تۇرعىزۋعا ارنالدى. قازىر ەلىمىزدە مۇنداي 11 ورتالىق جۇمىس ىستەۋدە. ال جاڭا ەكى ورتالىق «قازاقتەلەكوم» اق ديرەكتورلار كەڭەسىنىڭ شەشىمى بويىنشا استانا جانە الماتى قالالارىندا سالىنادى. بۇل ورتالىق قازنەتتى دامىتۋمەن بىرگە, تاريفتەردىڭ باعاسىن وسىرمەۋگە قىزمەت ەتەدى دەلىنۋدە. ودان كەيىن قازاقستاندا ساندىق تەلەۆيزيانى ورناتۋ مەن 4 G جۇيەسىن قۇرۋ ماسەلەسى قارالدى. سەرپىندى جوبا رەتىندە 4 G جۇيەسىن اۋەلى استانا مەن الماتىدا جۇرگىزۋ كەرەك دەگەن ءبىر شەشىم قابىلداندى.
وسى كۇنى فورۋمدا ءىت تەلەكوممۋنيكاتسيالار كومپانيالارىنىڭ كورمەسى كورسەتىلىپ, ەڭ جاڭا ءونىمدەردىڭ تۇساۋى كەسىلدى. سول جەردە كورمەگە كەلۋشىلەر ەكى جاقتى ءىسكەرلىك جانە دوستىق بايلانىستار ورناتۋعا مۇمكىندىك الدى.
داستان كەنجالين.