قاسيەتتى ماقام

IV رەسپۋبليكالىق بايقاۋدىڭ جەڭىمپازدارى انىقتالدى الماتىنىڭ ورتالىق مەشىتىندە قازاقستان مۇسىلماندارى ءدىني باسقارماسىنىڭ ۇيىمداستىرۋىمەن IV رەسپۋبليكالىق قاسيەتتى قۇران كارىمدى مانەرلەپ جانە جاتقا وقۋ بايقاۋى ءوتتى. وعان ەلىمىزدىڭ ءار ايماعىندا وتكەن جارىستاردىڭ جەڭىمپاز­دا­رى مەن جۇلدەگەرلەرى قاتىستى. ۇزىن سانى – 70. وسىنشا جاس قا­ريدىڭ بايقاۋعا قاتىسۋى تۇڭعىش رەت. بايقاۋدى كىرىسپە سوزبەن اش­قان ءدىنباسى, شەيح ءابساتتار قاجى دەربىسالى قاتىسۋشىلارعا ساتتىلىك تىلەدى. قۇرامىنا نۇر-مۇباراك ەگيپەت يسلام مادەنيەتى ۋنيۆەر­سي­تەتىنىڭ پروفەسسورى مۇحاممەد قاري جۋندي, قاريلار دانيار جۇماباەۆ, جۇمانازار سادىر­حا­نوۆ, سادۋاقاس ولجاباەۆتار ەنگەن قازىلار القاسىنا ءدىنباسى ءتور­اعا­لىق ەتتى. بايقاۋدى قمدب-نىڭ اقتوبە وبلىسى بويىنشا وكىل يمامى ءابدىمۇتالىپ ءداۋ­رەن­بەكوۆ جۇرگىزدى. بايقاۋ 5, 10 جانە 30 پارالار بوي­ىنشا جاتقا, سونىمەن قاتار, ءما­نەرلەپ وقۋ بويىنشا 4 توپتا ءوتتى. جارىسقا قاتىسۋشىلاردىڭ دە­نى 5 پارا بويىنشا سىنعا ءتۇستى. العاشقى كۇنى 4 توپتا­عى­لار­دىڭ بارلىعى دا ءوز ونەرلەرىن كور­سەتتى. كوزگە تۇسكەندەرى ىشىنەن اقتىق سىندا جەڭىمپازدارى مەن جۇلدەگەرلەرى انىقتالدى. 5 پارا بويىنشا بالدىق كور­سەتكىش نەگىزىندە: ءى ورىندى نۇر­لان سەيتماماتوۆ (الماتى قالا­سى), ءىى ورىندى بەيسەن نىعمەت (نۇر-مۇباراك ۋنيۆەرسيتەتى), ءىىى ورىندى ياحيا قۇربان (اقتوبە وبلىسى); 10 پارا بويىنشا بال­دىق كورسەتكىش نەگىزىندە: ءى ورىن­دى سەرىك امزەەۆ (اقمولا وب­لى­سى), ءىى ورىندى بەكجان الدەنوۆ (اقتوبە وبلىسى), ءىىى ورىندى نازار سۇلتانباي (استانا قالاسى); 30 پارا بويىنشا بالدىق كور­سەتكىش نەگىزىندە: ءى ورىندى باق­تيار قاسىماليەۆ (الماتى قا­لاسى), ءىى ورىندى ءدىلمۇرات يسرايلوۆ (وقو), ءىىى ورىندى باۋىر­جان ەسمۇرزاەۆ (الماتى قالاسى); قاسيەتتى قۇران كارىمدى مانەرلەپ جانە كوركەم وقۋ بايقاۋى بوي­ىنشا بالدىق كورسەتكىش نەگىزىندە: ءى ورىندى باتىر توقتامۇراتوۆ (جامبىل وبلىسى); ءىى ورىندى ەركەبۇلان بايقابىلوۆ (اقمولا وبلىسى); ءىىى ورىندى تاكەن تۇر­داقىن ۇلى (قاراعاندى وبلىسى) يەلەندى. بايقاۋ جەڭىمپازدارى مەن ءجۇل­دەگەرلەرىنە ماقتاۋ قاعازدارى مەن اقشالاي سىيلىقتاردى ءدىن­با­سى, شەيح ءابساتتار قاجى دەر­بىس­الى حازرەت تاپسىردى. رەسپۋبليكالىق قۇران جارى­سىنىڭ جەڭىمپازدارى 2011 جىلى قىركۇيەكتە استانادا وتەتىن حا­لىقارالىق يسلام كونفە­رەنتسيا­سى الدىندا ۇيىمداستىرىلاتىن حالىقارالىق قۇران جارىسىنا قاتىسادى دەپ جوسپارلانۋدا. «ەگەمەن-اقپارات». ------------------------------------- سۋرەتتە: قۇران جارىسىندا­عى قازى­لار القاسى.