جاقىندا پارلامەنت سەناتىندا ەكونوميكا جانە وڭىرلىك ساياسات كوميتەتىنىڭ دەپۋتاتتارى كوميتەت ءتورايىمى نۇرلىعايىم جولداسباەۆانىڭ جەتەكشىلىك ەتۋىمەن بيۋدجەتتىك باعدارلامالار اكىمشىلىكتەرى-مەملەكەتتىك ورگانداردىڭ باسشىلارىمەن كەزدەستى. وندا 2010 جىلعى رەسپۋبليكالىق بيۋدجەتتىڭ ورىندالۋى تۋرالى ۇكىمەت پەن رەسپۋبليكالىق بيۋدجەتتىڭ ورىندالۋىن باقىلاۋ جونىندەگى ەسەپ كوميتەتىنىڭ ەسەبى تالقىلاندى.
بيۋدجەتتىك جوسپارلاۋ, مەملەكەتتىك اكتيۆتەردى باسقارۋ تەتىكتەرى, بيۋدجەت ءتارتىبىن ورىنداۋ, قارجى مونيتورينگىن ءجۇرگىزۋ, دامۋ ينستيتۋتتارى قىزمەتىن ودان ءارى جەتىلدىرۋ, يندۋستريالىق باعدارلامالار جوباسىن جۇزەگە اسىرۋ ماسەلەلەرىنە بايلانىستى دەپۋتاتتاردىڭ ساۋالدارىنا ەكونوميكالىق دامۋ جانە ساۋدا, يندۋستريا جانە جاڭا تەحنولوگيالار, مۇناي جانە گاز, كولىك جانە كوممۋنيكاتسيا, بايلانىس جانە اقپارات مينيسترلىكتەرىنىڭ باسشىلارى جاۋاپ بەردى.
تالقىلانعان تاقىرىپ بويىنشا باسەكەلەستىكتى قورعاۋ, تابيعي مونوپوليالاردى رەتتەۋ, قۇرىلىس جانە تۇرعىن ءۇي-كوممۋنالدىق شارۋاشىلىق ىستەرى جانە ۇلتتىق عارىش اگەنتتىكتەرى باسشىلارىنىڭ دا ەسەبى تىڭدالىپ, ولار دەپۋتاتتاردىڭ ساۋالدارىنا جاۋاپ بەردى, دەپ حابارلادى پارلامەنت سەناتىنىڭ ءباسپاسوز قىزمەتى.