كومەك قولىن سوزدى

«ماڭعىستاۋمۇنايگاز» اق مۇنايشىلارى باتىس قازاقستان وبلىسىنداعى سۋ تاسقىنىنان زارداپ شەككەندەرگە كومەك كورسەتتى. باتىس قازاقستان وبلىسىندا ورىن العان قايعىلى وقيعا «ماڭعىستاۋمۇنايگاز» اق ۇجىمىن دا بەيجاي قالدىرمادى. مۇنايشىلار سۋ تاسقىنىنان زارداپ شەككەندەرگە كومەك كورسەتۋ قورىنا 5 ملن. 330 مىڭ تەڭگە اۋداردى. – جەرلەستەرىمىزگە كومەك كورسەتۋ باستاماسىن قىز­مەتكەرلەرىمىزدىڭ وزدەرى كوتەرگەنىنە وتە قۋا­نىش­تىمىز, – دەيدى جەتىباي كەن ورنىنداعى الەۋ­مەت­تىك ماسەلەلەر جونىندەگى توپتىڭ جەتەكشى ماما­نى كوكشەەۆ بەردىعالي. – مۇنايشىلار ءوز تا­راپ­تارىنان بۇل قايعىلى وقيعاعا بەلسەندى كومەك كورسەتۋدى قولعا الدى. – ءبىز, ءبىر ەلدىڭ ازاماتتارى رەتىندە ءبىر-بىرىمىزگە قولداۋ ءبىلدىرۋىمىز قاجەت, – دەدى «ماڭ­عىس­تاۋ­مۇ­ناي­گاز» اق ەكونوميسى سەمچەۆ گەورگي. – جاقىن­دا­رىم مەن وتانداستارىم الدىنداعى جاۋاپكەرشىلىكتى سەزىنە وتىرىپ, زارداپ شەككەندەرگە كومەكتەسۋ پارىزىم دەپ شەشتىم. مەن بۇل ارقىلى ءوزىمنىڭ شەتتە قالماعانىمدى, كومەكتىڭ قاشان دا بولسا كەلەتىنىن, ءبىزدىڭ كۇشىمىز – بىرلىكتە, دوستىقتا جانە ءوزارا كومەكتە ەكەنىن كورسەتكىم كەلدى! «ماڭعىستاۋمۇنايگاز» اكتسيونەرلىك قوعامى قىز­مەتكەرلەرى, ولاردىڭ وتباسى مۇشەلەرى, ايماق تۇر­عىن­دارى جانە بۇكىل قوعام الدىندا جوعارى الەۋ­مەتتىك جاۋاپكەرشىلىك ساياساتىن ۇستانادى. كومپا­نيانىڭ الەۋمەتتىك ساياساتى كاسىپورىن دامۋى جوس­پا­رىنىڭ اجىراماس بولىگى بولىپ تابىلادى. 2010 جىل ىشىندە «ماڭعىستاۋمۇنايگاز» اق ءوڭىردىڭ الەۋ­مەتتىك ينفراقۇرىلىمىن دامىتۋعا جالپى سو­ماسى 5 ميللياردتاي تەڭگە ءبولدى. «ماڭعىستاۋمۇنايگاز» اق الەۋمەتتىك باعدارلا­ما­­لارىنىڭ كولەمىن ۇنەمى ۇلعايتادى ءارى ولاردىڭ ورىندالۋ تيىمدىلىگىن باقىلاۋدا ۇستايدى. كاسىپ­ور­ىن وڭىردە تەك مۇناي مەن گاز ءوندىرىپ قانا قويماي­دى, سونداي-اق وبلىس پەن ەلىمىزدىڭ دامۋى مەن گۇل­دە­نۋىنە كورنەكتى ۇلەس قوسۋدا. ەسنازار سۇلتانوۆ.