كەمەلەردىڭ ءجۇرۋ كەستەسى – ساعات 12:00-دەن 21:00-گە دەيىن. باعاسى دا وزگەرگەن جوق: ەرەسەكتەر ءۇشىن 1000 تەڭگە, جەتى جاستان اسقان بالالار ءۇشىن – 500 تەڭگە.
بىلتىرعى ماۋسىمدا كاسىپورىن 20 مىڭعا جۋىق جولاۋشىعا قىزمەت كورسەتكەن. «ەسىل-استانا» قكقك كەمە قىزمەتىنىڭ باسشىسى بەيبىت ءجۋميننىڭ ايتۋىنشا, تۇلەكتەر كەشى مەن ەلوردا كۇنىن مەرەكەلەۋ كەزىندە جولاۋشىلار سانى ارتادى.
ۇستىمىزدەگى جىلى قالاعا تۋريستەر كوپ كەلەتىندىكتەن التى جولاۋشىلار كەمەسى مەن قوسىمشا ەكى كاتەر تارتىلادى.
«قازىرگى كەزدە اكىمدىكپەن بىرلەسىپ وزەننىڭ ارناسىن تازالاۋ بويىنشا جۇمىستاردى جۇرگىزىپ جاتىرمىز. سۋ تاسقىنىنا وراي وزەندەگى سۋ كوبەيدى, سوندىقتان ونىڭ دەڭگەيىن باقىلاپ وتىرامىز. بۇگىندە تەحنيكا دايىندالۋدا – باياپ, تازالاۋدامىز. ناۆيگاتسيا ماۋسىمىن باستار الدىندا مىندەتتى تۇردە تەحنيكالىق تەكسەرۋدەن ءوتىپ, جۇزۋگە رۇقسات الامىز. بۇل دا وزىندىك تەحنيكالىق بايقاۋ», – دەدى بەيبىت جۋمين.
سۋ كولىكتەرى قۇبىلمالى اۋا رايى كەزىندە جانە قاتتى جەلدە وزەندە ءجۇزۋدى توقتاتادى.
كەمە قىزمەتىنىڭ باسشىسى قاۋىپسىزدىك شارالارىنا توقتالدى. ايلاقتا جولاۋشىلاردى ءمىنۋى مەن ءتۇسۋىن باقىلايتىن ينسپەكتورلار كەزەكشىلىك ەتەدى. كەمەدە ءتارتىپتى كاپيتان مەن ەكى موتوريست-مەحانيك باقىلايدى. سونىمەن قاتار ەلوردانىڭ قۇتقارۋ قىزمەتى دە جۇمىس ىستەيدى.
كەمەلەردە قۇتقارۋ دوڭگەلەكتەرى بار, سۇراعان جولاۋشىلارعا قۇتقارۋ جيلەتتەرى بەرىلەدى.
ناۆيگاتسيا ماۋسىمى قازان ايىنا دەيىن جالعاسادى.