بۇل كۇنى اسكەري وركەسترمەن 500 جاۋىنگەر «ورداباسى» الاڭىنان «ورتالىق» ساياباققا دەيىن سالتاناتتى مارشپەن ءجۇرىپ ءوتىپ, ساپ تۇزەدى. مەرەكەلىك جيىنعا قاتىسقان وبلىس اكىمى جانسەيىت تۇيمەباەۆ بارشا وڭتۇستىك جۇرتى مەن جاۋىنگەرلەردى وتان قورعاۋشىلار كۇنىمەن جانە قازاقستان رەسپۋبليكاسى قارۋلى كۇشتەرىنە 25 جىل تولۋىمەن قۇتتىقتادى. «بۇگىندە ەلباسىنىڭ, قازاقستان قارۋلى كۇشتەرىنىڭ باس قولباسشىسى نۇرسۇلتان نازارباەۆتىڭ ستراتەگيالىق كورەگەندىگىنىڭ ارقاسىندا قازاقستان ارمياسىنىڭ جاڭا كەلبەتى, وتانشىل رۋحى قالىپتاستى. قارۋلى كۇشتەر مەملەكەتىمىزدىڭ تۇراقتى كەپىلىنە اينالدى. سوندىقتان بۇل كۇن – وتاندى قادىرلەيتىن, ونىڭ تاريحىن قۇرمەتتەيتىن, ايبىندى اسكەرىمىزدىڭ اتاعىن اسقاقتاتاتىن, مەملەكەتىمىزدىڭ قۋاتىن ايعاقتايتىن كۇن», – دەدى اكىم. بۇدان كەيىن ءوڭىر باسشىسى ەلدىڭ قورعانىس قابىلەتىن كۇشەيتۋگە, ۇلتتىق قاۋىپسىزدىكتى قامتاماسىز ەتۋگە, ازاماتتاردىڭ مۇددەلەرى مەن قۇقىقتارىن, زاڭدىلىقتى قورعاۋعا ۇلەس قوسقان 17 ازاماتتى قازاقستان رەسپۋبليكاسىنىڭ «قۇرمەت» وردەنىمەن, قر مەملەكەتتىك ناگراداسى «ەرلىگى ءۇشىن» مەدالىمەن جانە «وبلىسقا سىڭىرگەن ەڭبەگى ءۇشىن» بەلگىسىمەن, وقو اكىمىنىڭ گراموتاسى جانە الىس حاتىمەن ماراپاتتادى. سونىمەن قاتار, 10 ازامات قر قورعانىس ءمينيسترىنىڭ ء«مىنسىز قىزمەت ءۇشىن» مەدالىمەن ناگرادتالدى. كونتسەرتتىك باعدارلامامەن جالعاسىن تاپقان مەرەكەلىك شارادا «ماڭگىلىك ەل تۇعىرى – قۋاتتى ارميا» تەاترلاندىرىلعان كورىنىسى قويىلىپ, پاتريوتتىق اندەر شىرقالدى. سونىمەن قاتار, مەرەكەلىك باسقوسۋدا وڭتۇستىكقازاقستاندىقتار تىكەلەي ترانسلياتسيا ارقىلى استانا قالاسىندا وتكەن قر قارۋلى كۇشتەرىنىڭ 25 جىلدىعىنا ارنالعان اسكەري پارادتى تاماشالادى. ايتا كەتەيىك, ەلوردانىڭ قازاق ەلى الاڭىندا وتكەن شەرۋدە 5000-نان استام اسكەري قىزمەتشىلەر سالتاناتتى مارشپەن ءجۇرىپ وتسە, 400-گە جۋىق اسكەري تەحنيكا مەن زاماناۋي قارۋ-جاراق تۇرلەرى جۇرتشىلىق نازارىنا ۇسىنىلدى. ال 70-كە جۋىق اۋە تەحنيكاسى قازاقستاننىڭ اۆياتسيالىق الەۋەتى مەن جاۋىنگەرلىك ازىرلىگىن پاش ەتتى. فوتو: سامات مىرزاليەۆ.
شىمكەنت قالاسىنداعى «ورتالىق» ساياباقتا 7 مامىر – قر وتان قورعاۋشىلار كۇنى مەرەكەسىنە ارنالعان سالاتاناتتى شارا ءوتتى, دەپ حابارلايدى وڭتۇستىك قازاقستان وبلىسى اكىمىنىڭ ءباسپاسوز قىزمەتى.