قۋانارلىق جايت, بۇل تاقىرىپ ءسوز كۇيىندە قالماي, ايماقتا قازىر تىڭ باستامالار قولعا الىنۋدا. اتاپ ايتقاندا, بيىلعى ماۋسىم ايىندا ەكىباستۇزدىڭ بالاباقشالارىندا قاناتقاقتى جوبا − وزگە ۇلت وكىلدەرىنىڭ بالالارى ءۇشىن قازاقتىلدى توپتار اشىلعالى وتىر. − بۇل جوبانى جۇزەگە اسىرۋ ءۇشىن بارلىق بالاباقشالاردا بالالاردىڭ تەز بەيىمدەلۋىنە قاجەتتى جاعداي جاسالعان. توپتار بالالاردى تىلدىك ورتاعا تەز بەيىمدەيتىن زاماناۋي ماتەريالدىق-تەحنيكالىق بازامەن جابدىقتالدى, توپتاردا جوعارى بىلىكتى ماماندار جۇمىس ىستەيدى, − دەيدى ەكىباستۇز قالاسى اكىمدىگى ءبىلىم ءبولىمىنىڭ باسشىسى نۇرجامال ماكۋموۆا. ايتا كەتەرلىگى, ەكىباستۇزدا وزگە ۇلت وكىلدەرىنە قازاق تىلىندە تاربيە بەرۋ ءۇردىسى بۇرىننان بار. وسى كۇنى وزگە ۇلتتىڭ 110 بالاسى مەملەكەتتىك تىلدەگى بالاباقشالاردا تاربيەلەنىپ ءجۇر.
جانارگۇل قادىروۆا
پاۆلودار وبلىسى