بۇل تۋرالى ونىڭ رەسمي وكىلى ستەفان ديۋجارريك ءمالىم ەتتى, دەپ حابارلادى تاسس. ونىڭ ايتۋىنشا, بۇۇ اكىمشىلىك باسشىسى رەسەي, يران, تۇركيا قول قويعان كەلىسىمدى قولدايدى. «بۇل ۋاعدالاستىق سيريالىقتاردىڭ ءومىرىن جاقسارتۋدا وتە ماڭىزدى. باس حاتشى قارۋدىڭ بارلىق ءتۇرىن, اسىرەسە اۆياتسيانى پايدالانۋدى توقتاتۋ, كەدەرگىسىز گۋمانيتارلىق كومەك بەرۋ, سونداي-اق مەديتسينالىق كومەك جەتكىزۋ جانە بەيبىت تۇرعىنداردىڭ نەگىزگى قاجەتتىلىگىن قاناعاتتاندىرۋ ءۇشىن جاعداي جاساۋ مىندەتتەمەسىن قولدايدى», - دەلىنگەن ديۋجارريكتىڭ حاتىندا. بۇل رەتتە ول ادامداردىڭ تۇرۋى ءۇشىن قاۋىپسىز ايماق قۇرۋ ولاردىڭ باسقا ەلدەردەن باسپانا ىزدەۋ, الۋ قۇقىعىنا اسەر ەتپەۋى ءتيىس ەكەنىن اتاپ ءوتتى. باس حاتشىنىڭ وكىلى حابارلاعانداي, بۇۇ قاۋىپسىزدىك كەڭەسىنىڭ قارارى اياسىندا سيرياداعى جاعدايدى دەەسكالاتسيالاۋ بويىنشا كۇشكە قولداۋ كورسەتۋدى جانە تۇتقىن الماسۋ, مينادان تازالاۋ ماسەلەلەرى بويىنشا استاناداعى پىكىرتالاسقا جاردەمدەسۋدى جالعاستىراتىن بولادى.
بۇۇ باسشىسى استانادا سيريا ماسەلەسىنە قاتىستى قابىلدانعان كەلىسىمدى قولدادى
140 رەت
كورسەتىلدى
بۇۇ باس حاتشىسى انتونيۋ گۋتەرريش بەيسەنبى كۇنى استانادا قول جەتكىزىلگەن سيريادا دەەسكالاتسيا ايماعىن قۇرۋ تۋرالى ۋاعدالاستىقتى قولدادى جانە ول ەل تۇرعىندارىنىڭ جاعدايىن جاقسارتۋ ۇشىن ماڭىزدى دەپ سانايدى.