كەزدەسۋ اياسىندا تاراپتار اۋعانستان اۋماعىنداعى شيەلەنىستەردى توقتاتۋ مەن ايماقتىق قاۋىپسىزدىكتى قامتاماسىز ەتۋدىڭ وزەكتى ماسەلەلەرىن تالقىلادى. سونداي-اق, اتالعان ەلگە ەكونوميكالىق تۇرعىدا ىقپال ەتۋدىڭ دە بالامالارى ءسوز بولدى.
الدىمەن ق.ءابدىراحمانوۆ قازاقستان اۋعانستانداعى قاۋىپسىزدىك پەن تۇراقتىلىقتىڭ ساقتالۋىنا مۇددەلىلىك تانىتاتىندىعىن اتاپ ءوتتى. ول ىشكى شيەلەنىستى تەك ۇلتتىق ءۇنقاتىسۋلار عانا ءتومەندەتۋى ءمۇمكىن ەكەندىگىنە توقتالدى.
بۇگىندە قازاقستان جىل سايىن بۇل ەلگە ازىق-ت ۇلىك ونىمدەرى مەن جانار-جاعارماي, قۇرال-جابدىقتار سىندى ءتۇرلى گۋمانيتارلىق كومەك كورسەتىپ كەلەدى. سونىمەن قاتار, ءبىزدىڭ ەل اۋعان جاستارىن قازاقستاندىق جوو-لاردا وقىتۋ مەن اۋعانستان جولدارى مەن مەكتەپ قۇرىلىسىن جۇرگىزۋگە دە قوماقتى ۇلەس قوسۋدا. سونداي-اق, قازاقستان باسىمدىقتارىنىڭ ءبىرى – بۇۇ قاۋىپسىزدىك كەڭەسىنىڭ تۇراقتى ەمەس مۇشەلىگى مىندەتىن اتقارۋ بارىسىندا حالىقارالىق قوعامداستىقتىڭ نازارىن اۋعان ماسەلەسىنە بارىنشا اۋدارۋ بولىپ تابىلاتىندىعىن دا ايتا كەتەيىك. وعان قوسا, قازاقستان مۇنداي باسىمدىقتار اۋعانستاننىڭ دامۋىنا تىڭ سەرپىن بەرىپ, وڭىردەگى تۇراقتىلىقتى قامتاماسىز ەتەدى دەپ سانايدى.
ال ءوز كەزەگىندە ت.ياماموتو اۋعانستانداعى جاعدايدىڭ تۇراقتالۋىنا قازاقستاننىڭ قوسىپ جاتقان ۇلەسىن جوعارى باعالادى.
«قازاقستان ءوزىنىڭ ەۋرازيالىق كەڭىستىكتەگى بەلسەندى ويىنشى ەكەندىگىن كورسەتە ءبىلدى. سوندىقتان دا, ءبىز سىزدەردىڭ جاھاندىق جانە ءوڭىرلىك ماسەلەلەردىڭ شەشىلۋىنە قاتىستى باستامالارىڭىزدى اركەز قولدايمىز», – دەدى بۇۇ باس حاتشىسىنىڭ ارنايى ءۋاكىلى.