كەشە اقوردادا مەملەكەتتىك حاتشى قانات ساۋداباەۆتىڭ توراعالىق ەتۋىمەن پرەزيدەنت جانىنداعى سىبايلاس جەمقورلىققا قارسى كۇرەس ماسەلەلەرى جونىندەگى كوميسسيانىڭ ءماجىلىسى بولىپ ءوتتى.
ءماجىلىستى اشقان مەملەكەتتىك حاتشى قانات ساۋداباەۆ قازاقستان تاۋەلسىزدىگىنىڭ 20 جىلدىق مەرەيتويى جىلى ەلىمىزدەگى ادام قۇقى مەن بوستاندىعىن قورعاۋ ءارى سىبايلاس جەمقورلىقتى قۇرىقتاۋ باعىتىندا ايرىقشا جاۋاپكەرشىلىك جۇكتەيتىن جىل بولاتىنىن اتاپ ءوتتى. پرەزيدەنت نۇرسۇلتان نازارباەۆتىڭ قازاقستان حالقىنا جولداۋىندا بەرىلگەن تاپسىرمالارىنىڭ ورىندالۋى دا جالپى قوعام مەن مەملەكەتتىك ورگانداردىڭ جەمقورلىقپەن ىمىراسىز كۇرەسىنە تىكەلەي بايلانىستى بولماق, دەدى ول.
وتىرىستا سىبايلاس جەمقورلىققا قارسى كۇرەستىڭ 2006-2010 جىلدارعا ارنالعان مەملەكەتتىك باعدارلاماسىن ىسكە اسىرۋ, سونىڭ ىشىندە 2010 جىلعى شارالار جوسپارىنىڭ ورىندالۋ قورىتىندىلارى تالقىلاندى. سونىمەن قاتار مەملەكەتتىك ورگاندارداعى سىبايلاس جەمقورلىق دەڭگەيىن كورسەتۋ رەيتينگتەرىن قاراۋدىڭ قورىتىندىسى جاسالدى.
كۇن تارتىبىندەگى ماسەلەلەر بويىنشا ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ ءتوراعاسى ق.قوجامجاروۆ, باس پروكۋرور ا.داۋىلباەۆ, ۇلتتىق قاۋىپسىزدىك كوميتەتىنىڭ توراعاسى ن.ابىقاەۆ, مەملەكەتتىك قىزمەت ىستەرى اگەنتتىگىنىڭ توراعاسى ق.نۇرپەيىسوۆ, ىشكى ىستەر ءمينيسترى ق.قاسىموۆ, ادىلەت ءمينيسترى ر.تۇسىپبەكوۆ, قارجى ءمينيسترى ب.جامىشەۆ حابارلامالار جاسادى.
وتىرىس قورىتىندىسى بويىنشا كوميسسيا ۇكىمەتكە جانە ءتيىستى مەملەكەتتىك ورگاندارعا سىبايلاس جەمقورلىققا قارسى ءىس-قيمىلدىڭ 2011-2015 جىلدارعا ارنالعان جاڭا سالالىق باعدارلاماسىن ىسكە اسىرۋ جانە مەملەكەت باسشىسىنىڭ وسى باعىتتاعى تاپسىرمالارىن ورىنداۋ بويىنشا شارالار قولدانۋعا ۇسىنىستار جاسادى. سونىمەن بىرگە مەملەكەتتىك ورگاندارداعى 2010 جىلعى سىبايلاس جەمقورلىق دەڭگەيىنىڭ رەيتينگتەرىن ەسەپتەۋ قورىتىندىلارى ماقۇلداندى.
جاقسىباي سامرات.